ဗွီအိုအေ (မြန်မာဌာန) ကြာသပတေး, 30 ဒီဇင်ဘာ 2010
ကြာသပတေးနေ့က ထုတ်ပြန်လိုက်တဲ့ တောင်ကိုရီးယား ကာကွယ်ရေး ၀န်ကြီးဌာနရဲ့ သုံးသပ်ချက်မှာ မြောက်ကိုရီးယားဟာ ကျားမုန်တိုင်းလို့ ခေါ်တဲ့ သံချပ်ကာ ကားအသစ်တွေကို တပ်ဖြန့်ထားတယ်လို့ ဆိုပါတယ်။ အဲဒီ သံချပ်ကာကားဟာ ယခင် ဆိုဗီယက် ပြည်ထောင်စုက T-72 အမျိုးအစား သံချပ်ကာ ကားအပေါ်မှာ အခြေခံ တည်ဆောက်ထားတာ ဖြစ်ပါတယ်။
ဒါ့အပြင် မြောက်ကိုရီးယားဟာ တောင်ကိုရီးယားနိုင်ငံ မြို့တော် ဆိုးလ်မြို့ကို ရုတ်တရက် အကြီးအကျယ် ဗုံးကြဲ တိုက်ခိုက်နိုင်တဲ့ အမြောက်တွေနဲ့ ဒုံးကျည်တွေကို ၂ နိုင်ငံ နယ်စပ်မျဉ်းနားမှာ ချထားတယ်လို့ ဆိုပါတယ်။
တောင်ကိုရီးယား ကာကွယ်ရေး ၀န်ကြီးဌာနရဲ့ ကာကွယ်ရေးဆိုင်ရာ အကြံပေး စာတမ်းမှာတော့ မြောက်ကိုရီးယားကို ရန်သူလို့ ခေါ်ဆိုထားပြီး တောင်ကိုရီးယားကို တိုက်ခိုက်ထိုးဖောက် ၀င်ရောက်ပြီး အဓိကကျတဲ့၊ မဟာဗျူဟာ ပစ်မှတ်တွေကို တိုက်ခိုက်နိုင်ဖို့အတွက် မြောက်ကိုရီးယားမှာ လေ့ကျင့်ပေးထားတဲ့ အထူးတပ်ဖွဲ့ဝင် အင်အား ၂၀၀,၀၀၀ လောက် ရှိတယ်လို့ ဆိုပါတယ်။
No comments:
Post a Comment