အမိကရင်ပြည်

နိုဝင်ဘာလ ၁၈ရက်။ စောသိန်းမြင့် (ကေအိုင်စီ)

မြန်မာနိုင်ငံကို လာမည့် ၂၀၁၄ခုနှစ် အာဆီယံအဖွဲ့၏ အလှည့်ကျ ဥက္ကဋ္ဌ တာဝန်ပေးရန် အာဆီယံ ခေါင်းဆောင်များက သဘော တူလိုက်ခြင်းသည် အချိန်စောသေးကြောင်း လက်နက်ကိုင် တိုင်းရင်းသားတပ်ဖွဲ့များက ပြောသည်။

ယမန်နေ့က အင်ဒိုနီးရှားနိုင်ငံ ဘာလီကျွန်းတွင် ကျင်းပပြုလုပ်ခဲ့သည့် ၁၉ကြိမ်မြောက် အာဆီယံ ထိပ်သီးအစည်းအဝေးတွင် အာဆီယံ နိုင်ငံခြားရေးဝန်ကြီးများက သဘောတူခဲ့ကြသောကြောင့် ယခုလို အတည်ပြုလိုက်ခြင်းဖြစ်သည်ဟု လက်ရှိ အလှည့်ကျ ဥက္ကဋ္ဌ တာဝန်ယူထားသည့် အင်ဒိုနီးရှားနိုင်ငံခြားရေးဝန်ကြီးက ပြောသည်။

အင်ဒိုနီးရှား နိုင်ငံခြားရေးဝန်ကြီး မစ္စတာ နာတာလီဂါဝါက မြန်မာနိုင်ငံတွင် သိသာသည့် အပြောင်းအလဲများ ရှိသောကြောင့် ယခု အလှည့်ကျ ဥက္ကဋ္ဌတာဝန်ကို မြန်မာအစိုးရအနေဖြင့် တာဝန်ယူနိုင်ရန် အခြေခံကောင်းများ ဖြစ်လာပြီဆိုသည်အပေါ် အာဆီယံ ခေါင်းဆောင်အားလုံးက လက်ခံ သဘောတူကြခြင်းဖြစ်ကြောင်း ပြောသည်။

သို့သော် မွန်ပြည်သစ်ပါတီ၏ နိုင်ငံခြားဆက်ဆံရေးတာဝန်ခံ နိုင်ဟံသာဗွန်ခိုင်က “အချိန်နည်းနည်း စောင့်ကြည့်ဖို့လိုတာပေါ့နော်။ နိုင်ငံရေးအကျဉ်းသားတွေ ဘယ်လောက် ထပ်လွှတ်မလဲ။ နောက်ပြီး တိုင်းရင်းသားတွေကိစ္စ အခု ငြိမ်းချမ်းရေးစကား ပြောတာက တော့ မှန်ပါတယ်။ ဒါပေမယ့် အကောင်ထည်ဖော်မဖော်စောင့်ကြည့် ဖို့လိုပါတယ်။ သူတို့(အာဆီယံ)ကတော့ ပြောင်းလဲမှုရှိတယ်လို့ သတ်မှတ်တယ်။ ဒါပေမယ့် အဖြစ်မှန် ဘယ်လောက်ထိ တိုးတက်သလဲ။ အချိန်ယူဖို့လိုသေးတယ်လို့ မြင်တယ်။”ဟု ပြောသည်။

အာဆီယံနိုင်ငံများက မြန်မာနိုင်ငံတွင် သိသာထင်ရှားသည့် ပြောင်းလဲမှုရှိသည်ဟု ပြောဆိုခြင်းသည် မီဒီယာလွတ်လပ်ခွင့် အနည်း အကျဉ်းနှင့် ဒေါ်အောင်ဆန်းစုကြည်လှုပ်ရှားခွင့် အနည်းငယ် ရရှိခြင်းကလွဲပြီး တိုင်းရင်းသားတပ်ဖွဲ့များ တောင်းဆိုထားသည့် တစ်ပြည်လုံး အတိုင်းအတာ အပစ်အခတ်ရပ်စဲမှသာ ပြောင်းလဲမှုရှိသည်ဟု ဆိုနိုင်ကြောင်း သူက ဖြည့်စွက်ပြောဆိုသည်။

ကရင်နီအမျိုးသားတိုးတက်ရေးပါတီ၏ အတွင်းရေးမှူး ခူဦးရယ်က “ဒီကနေ့ ဗမာပြည်မှာ တကယ်ပဲ ပြောင်းလဲမှုရှိတယ်လို့ သုံးသပ် နေကြတယ်။ တကယ့် ပကတိ အခြေအနေ ကြည့်မယ်ဆိုရင် ဒါ အပြောင်းအလဲတော့ မဟုတ်ပါဘူး။ တိုင်းရင်းသားနယ်မြေတွေမှာ ကြောက်ရွံ့မှုအောက်မှာပဲ နေထိုင်ရမြဲ နေထိုင်ရတယ်။ ခုအချိန်မှာ ဥက္ကဌရာထူး ကိစ္စကတော့ မဆုံးဖြတ်သင့်သေးဘူးလို့ ထင်တယ်။ သူတို့ ဒီလိုဆုံးဖြတ်လိုက်လို့ အစိုးရက လုပ်ချင်တာ လုပ်စေတယ်လို့ ကျနော်က မြင်တယ်။”ဟု ပြောသည်။

SSA-ရှမ်းပြည်တပ်မတော် (မြောက်ပိုင်း) ပြောခွင့်ရ ဗိုလ်မှူးစိုင်းလက “အခု ဆုံးဖြတ်ချက်က ဒေါ်အောင်ဆန်းစုကြည်ကို တွေ့ဆုံ တာရယ်။ နောက် နိုင်ငံရေးအကျဉ်းသား တချို့တ၀က် လွှတ်ပေးတာလောက်ပဲ သူတို့ မြင်တယ်။ တကယ်ဆို တိုင်းရင်းသားဒေသ တွေမှာ ဖြစ်ပျက်နေတဲ့ ကိစ္စကို သူတို့ မမြင်ဘူးလေ။ တိုင်းရင်းသားဒေသတွေ ဖြစ်ပျက်နေတဲ့ဟာကို ခုထက်ထိ တိုးတက်မှုဘာမှ မရှိသေးဘူးဆိုတော သူတို့ မမြင်တဲ့သဘောပဲ။”ဟု ပြောသည်။

မြန်မာအစိုးရ အာဆီယံဥက္ကဋ္ဌ တာဝန်ရသည်ဖြစ်စေ၊ မရသည်ဖြစ်စေ ၎င်းတို့ တိုင်းရင်းသားများအနေဖြင့် ရသင့်ရထိုင်သည့် အခွင့် အရေးများမရသေးသ၍ ဆက်လက်ပြီး တိုက်ပွဲဝင် လုပ်ဆောင်သွားရမည်ဖြစ်ကြောင်း ဗိုလ်မှူးစိုင်းလက ပြောသည်။

ကရင်အမျိုးသားအစည်းအရုံး(ကေအဲန်ယူ) ဒုဥက္ကဋ္ဌ စောဒေးဗစ်သကဘောကလည်း “ခေါင်းအရှုတ်မခံတော့ဘူး။ ပေးရင်လည်း ပေးပေါ့။ ဒါ အများဆုံးဖြတ်ချက်ကိုး။ ဦးသိန်းစိန်အစိုးရရဲ့ နောက်ကွယ်မှာ စစ်တပ်က ကြိုးကိုင်တယ်။ ရမ်းလုပ်လို့ကတော့ ၂၀၁၄ မတိုင်ခင်မှာ ပြုတ်သွားနိုင်တယ်။ အခုချိန်မှာ ဗမာပြည်အတွင်းရေးကတော့ မအေးသေးတာ အသေအချာပဲ။”ဟု ပြောသည်။

အမေရိကန် အစိုးရကမူ မြန်မာနိုင်ငံတွင် ပြုပြင်ပြောင်းလဲမှုနှင့် နိုင်ငံရေးအကျဉ်းသားအချို့ကို လွှတ်ပေးမှုများရှိသော်လည်း လုံ လောက်သည့် ပြောင်းလဲမှု မရှိသေးဘဲ လူ့အခွင့်အရေး ချိုးဖောက်မှုများလည်း ဆက်လက် ရှိနေဆဲဖြစ်သောကြောင့် အလှည့်ကျ ဥက္ကဋ္ဌ တာဝန်ပေးမှုကို ကန့်ကွက်ခဲ့သည်။

ဘာလီကျွန်းတွင် နိုဝင်ဘာလ ၁၇ရက်မှ ၁၉ရက်နေ့အထိ ပြုလုပ်သွားမည့် အာဆီယံထိပ်သီးအစည်းအဝေးပွဲသို့ မြန်မာနှင့် နိုင်ငံတ ကာ သတင်းထောက်ပေါင်း ၁,၈၀၀ခန့် တက်ရောက် သတင်းယူနေကြသကဲ့သို့ လုံခြုံရေးလည်း အထူးတိုးမြှင့်ချထားလျှက်ရှိသည်။

ပြန်လည်လွတ်မြောက်လာသူ ကရင်နှင့် ရခိုင်အကျဉ်းသား ၃ဦး ကလကတ္တားပြန်ရောက်မည်

နိုဝင်ဘာလ ၁၈ရက်။ နော်ဆဲကလယ် (ကေအိုင်စီ)

အိန္ဒိယနိုင်ငံ၊ ပို့ဘလဲယားကျွန်း အကျဉ်းထောင်တွင် ကျန်ရှိနေသော ကရင်ရဲဘော် ၁ဦးနှင့် ရခိုင်ရဲဘော် ၂ဦးတို့သည် ပြီးခဲ့ သည့် အင်္ဂါနေ့က အမှုပြီးပြတ်သဖြင့် ပြန်လည်လွတ်မြောက်လာပြီး ၂၁ရက်နေ့တွင် ကာလကတ္တားသို့ ရောက်ရှိမည်ဟု သိရ သည်။

“အရင် ၃၁ဦးလွတ်တုန်းက သူတို့ ၃ဦးက ရဲတပ်သားတစ်ဦးနဲ့ စကားများတဲ့အမှု မပြတ်သေးဘူး။ အစိုးရက လွှတ်ပေမယ့် ဒီမို ကရေစီနိုင်ငံတွေရဲ့ သဘောအတိုင်း တရားရုံးက အမှုမပြတ်လို့ မလွှတ်ပေးခဲ့တာပါ။ အမှုကလည်း သေးသေးလေးပါ။ ရဲထုံး နည်းနဲ့ညစ်ပြီး စွဲထားတာလေ။”ဟု ထိုရဲဘော်များ လွတ်မြောက်ရန်အတွက် ကူညီဆောင်ရွက်ပေးနေသူတစ်ဦးက ပြောသည်။

ယခု လွတ်မြောက်လာသူများမှာ ရခိုင်ရဲဘော် လူလူ၊ ဟေးလီနှင့် ကရင်ရဲဘော် မောင်နိုင်တို့ဖြစ်သည်။ ၎င်းတို့ ၃ဦးသည် ကလ ကတ္တားမှတဆင့် မြို့တော်နယူးဒေလီသို့သွားရောက်ကာ UNHCR အစီအစဉ်ဖြင့် နေထိုင်ကြရမည် ဖြစ်သည်။

ရဲဘော် ၃၄ဦးထဲမှ ပထမအသုတ် လွတ်မြောက်လာသူ ၃၁ဦးမှာ ပြီးခဲ့သည့် မေလ ၁၉ရက်နေ့က လွတ်မြောက်လာခဲ့ပြီး ယခုအ ခါ ဒုက္ခသည်များနေထိုင်ရာ ဒေလီမြို့တွင် အိမ်ငှားရမ်း၍ နေထိုင်လျက်ရှိသည်။

ထိုအထဲမှ KNU ရဲဘော်တစ်ဦးက “ကျနော်တို့က ကိုယ့်ဒေသကို ပြန်ချင်ကြတာပါ။ ဒါပေမဲ့ အခြေအနေအရ လောလောဆယ် မဖြစ်နိုင်သေးတော့ ဒီနိုင်ငံမှာပဲ နေရသေးတာပေါ့လေ။ ဒီမှာကလည်း ကျနော်တို့အတွက် ဘယ်မှသွားလာလို့ မရပါဘူး။ လုံခြုံ မှုလည်း သိပ်မရှိပါဘူး။”ဟု ဆိုသည်။

အိန္ဒိယထောက်လှမ်းရေးမှ အန်ဒမန်ကျွန်းစုရှိရာ လန်းဖော့ကျွန်းတွင် စစ်အခြေစိုက်စခန်းတစ်ခု တည်ဆောက်ရန်အတွက် ကရင့်အမျိုးသားအစည်းအရုံး(KNU)နှင့် ရခိုင်ပြည်အမျိုးသားညီညွှတ်ရေးပါတီ(NUPA) အဖွဲ့ဝင်များကိုခေါ်ပြီး ခေါင်းဆောင်ဖြစ် သူ ၆ဦးကို လုပ်ကြံသတ်ဖြတ်ကာ ကျန်ရဲဘော်များကို အိန္ဒိယအစိုးရမှ ၁၀နှစ်ကျော် ဖမ်းဆီးထားခဲ့ခြင်းဖြစ်သည်။

NLD မှတ်ပုံတင်ရေးနှင့် ရွေးကောက်ပွဲဝင်ရေး ဆုံးဖြတ်လိုက်ပြီ

နိုဝင်ဘာလ ၁၈ရက်။ စောခါးစူးညား (ကေအိုင်စီ)

အမျိုးသားဒီမိုကရေစီအဖွဲ့ချုပ်-NLD က ၎င်းတို့နိုင်ငံရေးပါတီ မှတ်ပုံတင်ရေးနှင့် ရွေးကောက်ပွဲဝင်ရေးအတွက် ယနေ့ ရန်ကုန် မြို့ NLD ရုံးချုပ်၌ ကျင်းပသည့်အစည်းအဝေးတွင် ဆုံးဖြတ်လိုက်ပြီဖြစ်သည်။

အဆိုပါ အစည်းအဝေးတွင် ဒီမိုကရေစီပါတီများ အပါအ၀င် တက်ရောက်သည့် တိုင်းဒေသကြီးနှင့် ပြည်နယ်များမှ NLD ပါတီခွဲ ၁၄ခုက ထောက်ခံမှုအများဆုံးဖြင့် ဆုံးဖြတ်လိုက်ခြင်းဖြစ်သည်။

အစည်းအဝေးသို့ တက်ရောက်ခဲ့သူ NLD ၏ ဗဟိုအလုပ်အမှုဆောင် ဦးဝင်းတင်က “NLD ပါတီဟာ အခုထိ တရားဝင် ပါတီ မဟုတ်ဘူး။ သူတို့(အစိုးရ)လည်း မှတ်ပုံမတင်နိုင်အောင် လုပ်ထားတယ်။ သူတို့က မှတ်ပုံတင်နိုင်အောင် ဥပဒေတွေ ပြင်ပြီးပြီ ဆိုတော့ NLD ဟာ အခုလို မှတ်ပုံတင်ဖို့ ဆုံးဖြတ်လိုက်တာပဲ။”ဟု ကေအိုင်စီသို့ ပြောသည်။

ဆက်လက်၍ သူက နိုင်ငံရေးမှတ်ပုံတင်ရေးနှင့် ရွေးကောက်ပွဲဝင်ရေးကို ဆုံးဖြတ်လိုက်သည့်အပေါ် မြန်မာနိုင်ငံအတွင်းရှိ ပြည်သူလူထုအားလုံး NLD ပါတီနှင့် အမျိုးသားဒီမိုကရေစီခေါင်းဆောင် ဒေါ်အောင်ဆန်းစုကြည်ကို ၀ိုင်းရံကြရန် တိုက်တွန်းပန် ကြားစေလိုကြောင်း ဆက်လက် ပြောဆိုသည်။

ထို့အပြင် ဒေါ်အောင်ဆန်းစုကြည် ကိုယ်တိုင်ကလည်း NLD ပါတီ ပြန်လည် မှတ်ပုံတင်ရေးနှင့် ရွေးကောက်ပွဲဝင်ရေးတွင် ပါတီဝင်များထဲ၌ လက်မခံနိုင်သူများလည်း အချို့ရှိနိုင်သော်လည်း ဒီမိုကရေစီသဘောအရ အများဆုံးဖြတ်ချက်ကို လိုက်နာကာ ကူညီပံ့ပိုးမှုများပေးကြရန် မေတ္တာရပ်ခံလိုကြောင်း အစည်းအဝေးတွင် ပြောသွားခဲ့သည်။

NLD ဗဟိုအဖွဲ့က အစည်းအဝေးတွင် ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်းပြည်နယ်နှင့် ပဲခူး၊ မွန်၊ မန္တလေး၊ မကွေး၊ ဧရာဝတီ၊ စစ်ကိုင်း၊ တနင်္သာရီ စသည့် တိုင်းဒေသကြီးမှ NLD ပါတီခွဲ အဖွဲ့ဝင် ကိုယ်စားလှယ်ပေါင်း ၁၁၇ဦး ဖိတ်ကြားထားပြီး ၁၄ဦးမှာ အစည်းအဝေး တက်ရောက်နိုင်ခြင်း မရှိကြောင်း သိရသည်။

ယနေ့နံနက် ၁၀နာရီမှ မွန်းလွဲ ၁နာရီခွဲကျော်အထိ ကျင်းပခဲ့သည့် ထိုအစည်းအဝေးတွင် တက်ရောက်ခဲ့သည့် ပြည်နယ်နှင့် တိုင်း NLD ပါတီအဖွဲ့ဝင် ကချင်၊ ချင်း၊ မွန်၊ စစ်ကိုင်းမှ NLD ကိုယ်စားလှယ်များက ရွေးကောက်ပွဲသည့်အဆင့်ထိ စိတ်အား ထက်သန်မှု မရှိခဲ့သည်မှလွဲ၍ ကျန်အဖွဲ့ဝင် ကိုယ်စားလှယ်အားလုံးက ပါတီမှတ်ပုံတင်ရေးအပြင် ရွေးကောက်ပွဲဝင်ရေးအဆင့် ထိပါ ထောက်ခံခဲ့ကြသည်။

ယခုလ ၄ရက်နေ့က နိုင်ငံရေးပါတီများ မှတ်ပုံတင်ဥပဒေ ပြန်လည်ပြင်ဆင်သည့်အနေဖြင့် အချက်လေးချက်ပါဝင်သည့် ဥပဒေ ကို မြန်မာအစိုးရ သမ္မတ ဦးသိန်းစိန် ကိုယ်တိုင်လက်မှတ်ထိုး၍ မြန်မာအလင်းသတင်းစာတွင် ထုတ်ပြန်ပြဌာန်းခဲ့သည့်နောက် ပိုင်း NLD ပါတီသည် ယခုလို အစည်းအဝေး ခေါ်ယူကျင်းပခဲ့ခြင်းဖြစ်သည်။

NLD အနေဖြင့် ယခုလို ဆုံးဖြတ်လိုက်ခြင်းသည် ၂၀၀၈ခုနှစ်က အတည်ပြု ပြဌာန်းလိုက်သည့် ဖွဲ့စည်းပုံအခြေခံဥပဒေကို လက်ခံလိုက်ရာကျကြောင်း ဝေဖန်မှုအချို့ရှိနေကြသည်။

ဆရာဦးဝင်းတင်က “NLD က ဒီလို ဆုံးဖြတ်လိုက်တာ ၂၀၀၈ ဖွဲ့စည်းပုံကို လက်ခံသလို ဖြစ်နိုင်ပါတယ်။ သို့သော် တစ်ဖက်က နေ ပြန်ပြီး ကြည့်မယ်ဆိုရင် ဒေါ်အောင်ဆန်းစုကြည်ရဲ့ နိုင်ငံရေးဩဇာနဲ့ NLD ရဲ့ နိုင်ငံရေးဩဇာတို့နဲ့ ပေါင်းစပ်ပြီးတော့ လွှတ် တော်ထဲကို ရောက်ရင်တော့ ဒီအခြေခံ ဥပဒေကို ပြင်ဖို့အတွက်အားထုတ်မယ်၊ လုပ်ငန်းစဉ်တွေ ချမယ်၊ လုပ်သွားမယ်ဆိုရင် တော့ ကောင်းတဲ့အကျိုးရလဒ်တွေ ပေါ်နိုင်မယ်။”ဟု သူ၏အမြင်ကို ပြောသည်။

၁၉၈၈ခုနှစ်တွင် စတင်ဖွဲ့စည်းခဲ့သည့် NLD ပါတီသည် ၁၉၉၀ပြည့်နှစ် ပါတီစုံဒီမိုကရေစီ ရွေးကောက်ပွဲတွင် လွှတ်တော်အ မတ်နေရာ ၄၉၂နေရာအနက် ၃၉၂နေရာ အနိုင်ရရှိခဲ့သော်လည်း နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့-န၀တ စစ် အစိုးရက NLD အား အာဏာလွှဲပြောင်းပေးခြင်း မရှိခဲ့ပေ။

ဆက်သွယ်မေးမြန်းချက်

နိုဝင်ဘာလ ၁၈ရက်နေ့တွင် ပြုလုပ်ခဲ့သည့် အမျိုးသားဒီမိုကရေစီအဖွဲ့ချုပ်-NLD ၏ ဗဟိုဦးစီအဖွဲ့ အစည်းအဝေးတွင် ပါတီကို မှတ်ပုံတင်သွားမည်ဖြစ်ကြောင်းနှင့် ရွေးကောက်ပွဲများ၌ ၀င်ရောက်ယှဉ်ပြိုင်သွားမည်ဖြစ်ကြောင်း ကန့်ကွက်သူမရှိ ဆုံးဖြတ်ခဲ့ ကြသည်။

ထိုအခြေအနေအပေါ်တွင် အဲန်အယ်လ်ဒီ(လွတ်မြောက်နယ်မြေ) အဖွဲ့ဝင်ဟောင်းဖြစ်ခဲ့သူ၊ လက်ရှိ ကိုရီးယား ကရင်လူငယ်အ စည်းအရုံး(KYO-Korea branch) အဖွဲ့ဝင် စကက်နက်မိုး၏ အမြင်သဘောထားကို ကရင်သတင်းဌာန(ကေအိုင်စီ)က ထိုနေ့ တွင်ပင် ဆက်သွယ်မေးမြန်းထားခြင်း ဖြစ်သည်။

မေး - ဒီနေ့မှာ အဖွဲ့ချုပ်က ဆုံးဖြတ်လိုက်တဲ့ ပါတီမှတ်ပုံတင်မယ်။ ရွေးကောက်ပွဲဝင်မယ် ဆိုတဲ့အပေါ် ဘယ်လိုမြင်ပါသလဲ။

ဖြေ - ဟုတ်ကဲ့။ မူအားဖြင့် လက်ခံပါတယ်။ လက်မခံတဲ့စိတ် ရှိခဲ့တောင် ဒေါ်စုကိုယုံတယ်ဆိုရင် လက်ခံရမှာပဲ။ တခြားခေါင်း ဆောင်ဆိုရင် ပိုဝေးမှာလေ။

မေး - လူပုဂ္ဂိုလ်ဆိုတာ အမြဲတမ်း ယုံလို့ရတယ်လို့ ပြောချင်တာလား။ စိတ်အပြောင်းအလဲ မရှိနိုင်ဘူးလား။

ဖြေ - လောလောဆယ် ရွေးချယ်စရာ မရှိလို့ပါ။ ရွေးချယ်လို့ရတဲ့တစ်နေ့ စိတ်တိုင်းကျပေါ့။ လက်ရှိအနေအထားက စိတ်တိုင်း မကျပေမဲ့ ဒီလိုပဲ ဖြစ်သင့်ပါတယ်။

မေး - NLD ဟာ အခုဆို ဆုံးဖြတ်လိုက်ခြင်းအားဖြင့် ၁၉၉၀ခုနှစ် ရွေးကောက်ပွဲရလဒ်က အလိုအလျောက် မပျက်ပြယ်သွားဘူး လား။

ဖြေ - အစကတည်းက ပြယ်နေတာပါပဲ။ ဘာမှ အကောင်အထည် မရှိဘူးလေ။ ဘာမှမဖော်နိုင်ကြဘူး။ ဒါဟာလည်း NLD ရဲ့ သမိုင်းပါပဲ။

မေး - ဒါဆိုရင် ၉၀ခုနှစ်မှာ မဲပေးခဲ့တဲ့ လူထုရဲ့ ခံစားချက်တွေ ဘယ်လိုဖြစ်သွားနိုင်မယ် ထင်ပါသလဲ။

ဖြေ - လွှင့်မျောသွားတဲ့ တိမ်တိုက်များပေါ့။ သမိုင်းတရားခံတစ်မျိုးပါပဲ။ မျက်စိမှိတ် တားဆီးနေတာထက်စာရင် အရှိတရားကို လက်ခံလိုက်ရတာပါ။

မေး - တကယ်လို့ ဒီနေ့လို ဆုံးဖြတ်ချက်မျိုး NLD က မဆုံးဖြတ်ခဲ့ရင် ဘာဆက်ဖြစ်နိုင်မယ် ထင်သလဲ။

ဖြေ - ပိုရှုတ်ထွေး ပိုကြာရှည်တဲ့အရာတွေ ဖြစ်လာမှာပါ။ အခုတောင် ကျီးတွေလိုပဲ အာကြတော့မှာ။ အမြင်တွေက မတူဘူး လေ။ ယုံကြည်တယ်ပြောပြီး အမှန်တကယ် ထောက်ခံကြတာ မဟုတ်ဘူး။ ရာသီစာတွေပဲ တည်ရောင်းကြတာ။

မေး - ၂၀၁၀ ရွေးကောက်ပွဲအပြီး ပြန်လွတ်မြောက်လာချိန်ကတည်းက ဒေါ်အောင်ဆန်းစုကြည်ရဲ့ လှုပ်ရှားဆောင်ရွက်မှုတွေ အပေါ် ဘယ်လိုမြင်ပါသလဲ။

ဖြေ - အားမရဘူး။ တခုခု သိုဝှက် အချုပ်အနှောင် မိနေသလိုပဲ။ ပွင့်လင်းမြင်သာမှု အားနည်းလွန်းပါတယ်။ စည်းရုံးရေးကျတာ အဲဒါပဲ။ ယုံကြည်မှုအားနည်းသွားတာပေါ့။ သူ့(ဒေါ်စု)အပေါ်ကို ပြောတာပါ။

မေး - ဦးသိန်းစိန် အစိုးရနဲ့ နီးကပ်စွာ ဆက်ဆံနေတဲ့အပေါ် အလိမ်မာနည်းနဲ့ နိုင်ငံရေးကစားတာများ မဖြစ်နိုင်ဘူးလား။

ဖြေ - သိုဝှက်လွန်းတာက သံသယကို ဖြစ်စေပါတယ်။

မေး - NLD နဲ့ ဒေါ်စုက တိုင်းရင်းသားတွေရဲ့ အခြေအနေ အဆက်ဆက်ကို ဂဃနဏ နားလည်သဘောပေါက်တယ်လို့ ထင်မိ ပါသလား။

ဖြေ - မထင်သေးဘူး။ ဘာဖြစ်လို့လဲဆိုတော့ NLD ဟာ သူ့အရှုတ်ကိုတောင် သူ မရှင်းနိုင်သေးဘူး။ တိုင်းရင်းသားအရေးကို စိတ်ရှိပေမဲ့ အချိန်အများကြီးယူပြီး လေ့လာရဦးမယ်။

မေး - နောက်ဆုံးပေါ့နော်။ NLD ကလည်း သူ့အလုပ်သူ ဆက်လုပ်နေတယ်။ တိုင်းရင်းသားတွေကိုလည်း အစိုးရက ငြိမ်းချမ်း ရေးကိစ္စ ကမ်းလှမ်း ချဉ်းကပ်နေတယ်။ ဒီအပေါ်မှာ တိုင်းရင်းသားလက်နက်ကိုင်အဖွဲ့တွေကလည်း သူ လုပ်စရာရှိတာ သူ့မူနဲ့ သူ လုပ်နေကြတယ်။ မေးခွန်းက အစိုးရဟာ တိုင်းရင်းသားအရေးနဲ့ ဒီမိုကရေစီအရေးကို ဘယ်လိုလုပ်နေတယ်လို့ သုံးသပ်နိုင် သလဲ။

ဖြေ - အစိုးရကတော့ ထုံးစံအတိုင်း ကစားနေတာပါပဲ။ တတ်နိုင်သလောက် သူ့ထွက်ပေါက်ကို သူ ချဲ့ထွင်နေတယ်လို့ ထင်တယ်။ လာမယ် ကြာမယ် ဆိုတဲ့ဟာမျိုးပေါ့။ ကြာလည်း ကြာဦးမှာပါ။

မေး - အာဆီယံအလှည့်ကျ ဥက္ကဌ တာဝန်ပေးခံရတာနဲ့ တပြိုင်နက် NLD ရဲ့ ဒီနေ့ဆုံးဖြတ်ချက်တွေက အံကိုက်လို ဖြစ်မနေ ဘူးလား။ ဒီတော့ တိုင်းပြည်အနာဂတ်အတွက် ဘာများ ဖြည့်စွက်ပြောဆိုချင်ပါသေးလဲရှင့်။

ဖြေ - အံကိုက်လိုတော့ ဖြစ်တာပေါ့။ တိုင်းပြည်အနာဂတ်အတွက်ဆိုရင် ပွင့်လင်းရိုးသားစွာ တွေးခေါ်ပါ။ တတ်ယောင်ကား ဆရာများ ဆန့်ကျင်ပါ။ ခေါင်းဆောင်ကောင်း ရှားပါတယ်။ ယုံကြည်ရင် စစ်မှန်စွာ ထောက်ခံပါ။ သမိုင်းက ခေါင်းဆောင်ကို ဆန်းစစ်သလို ပြည်သူကိုလည်း ဆန်းစစ်ပါတယ်။ ဘယ်သူစစ်တယ်၊ မစစ်ဘူးဆိုတာ သမိုင်းက အဖြေပေးသွားမှာပါ။ ငြိမ်းချမ်းရေးကို တကယ်လိုလားရင် တသီးပုဂ္ဂလ ခံစားမှုကို ဦးစားမပေးကြပါနဲ့လို့ ပြောချင်ပါတယ်။

မေး - တိုင်းရင်းသားတွေ ရှုထောင့်ကရော ဘာများ ပြောဆိုချင်ပါသေးလဲ။

ဖြေ - အရမ်း အရေးပါတဲ့ မေးခွန်းပါ။ ဘယ်အစိုးရပဲတက်တက် ပြည်ထောင်စုအတွင်းမှာ မှီတင်းနေထိုင်တဲ့ တိုင်းရင်းသားပေါင်း စုံရဲ့ ခံစားမှု၊ နာကျည်းမှုတွေကို ခြေခြေမြစ်မြစ် နားလည်အောင် လေ့လာသင်ကြားဖို့ လိုအပ်ပါတယ်။ ဆုံးရွားမှားယွင်းတဲ့ အခြေအနေတွေကို ပြောင်းလဲပြုပြင်စေတဲ့ သမိုင်းအသစ်တွေကို ဖန်တီးပေးစေချင်ပါတယ်။ စစ်မှန်တဲ့ ယုံကြည်မှု တည်ဆောက်ပုံကို တိုင်းရင်းသားတွေရင်ထဲ အမှန်တကယ်ရောက်အောင် ပို့ချပေးပါလို့ တောင်းဆိုချင်ပါတယ်။

မေး - တိုင်းရင်းသားတွေဘက်ကရော ဘာတွေများ လုပ်ဆောင်သင့်တယ်လို့ အကြံပေး တိုက်တွန်းချင်ပါသလဲ။

ဖြေ - အမြော်အမြင်ကြီးတဲ့ ခေါင်းဆောင်တွေကို လိုအပ်ပါတယ်။ ကမ္ဘာကြီးက အပြောင်းအလဲ သိပ်မြန်တယ်။ ကျနော်တို့ တပ်မက်တဲ့ ငြိမ်းချမ်းရေးအတွက် တချို့နေရာတွေမှာ အစွဲအလမ်း မကြီးစေလိုပါ။ လူငယ်တွေက ကျနော်တို့လို မတွေးပါ။ ကမ္ဘာကြီးမှာ တိုင်းရင်းသားတွေ အများကြီး ရှိပါတယ်။ ၀င်ပေါက်၊ ထွက်ပေါက်ကို အတူတကွ နားလည်မှုနဲ့ ခရီးသွားဖို့ အသင့် ပြင်ဆင်ထားဖို့ လိုပါတယ်။ ဖိနှိပ်မှုမှန်သမျှတော့ အားမနာတမ်း တွန်းလှန်ကြပါလို့။