အမိကရင်ပြည်

နိုဝင်ဘာလ ၈ရက်။ စောသိန်းမြင့် (ကေအိုင်စီ)

ရေကြီးမှုကြောင့် ထိုင်းနိုင်ငံ၊ ဘန်ကောက်မြို့မှ ကရင်ပြည်နယ်၊ ဘုရားသုံးဆူလမ်းကြောင်း ဘက်သို့ ပြန်လာကြသည့် ရေဘေး ဒုက္ခသည် မြန်မာအလုပ်သမားများသည် ဘုရားသုံး ဆူမြို့ရှိ မြန်မာရဲများက ငွေညှစ်တောင်းယူမှုများနှင့် ကြုံတွေ့နေရသည် ဟု ရေဘေးဒုက္ခသည်များက ပြောသည်။

ဘန်ကောက်မြို့မှ ဘုရားသုံးဆူမြို့သို့ ပြန်လာကြသည့် ရာနှင့်ချီသည့် အဆိုပါ အလုပ်သမားများမှာ ယခင်အပတ်မှစ၍ ယခုအ ချိန်ထိ ထိုင်းလူဝင်မှုကြီးကြပ်ရေး(လ၀က)မှ အခမဲ့ ပို့ဆောင်မှုဖြင့် ဘုရားသုံးဆူမြို့ရှိ မြန်မာရဲတပ်ဖွဲ့ထံသို့ လွှဲပေးအပ်ခဲ့ရာတွင် ယခုလို ငွေညှစ်မှုများနှင့် ရင်ဆိုင်နေရခြင်းဖြစ်သည်။

ယမန်နေ့က ပြန်လာသည့် ဘန်ကောက်မှ မြန်မာအလုပ်သမားတစ်ဦးက “ကျနော်က ဘုရားသုံးဆူမှာပဲ နေတာဆိုတော့ ပေးစ ရာ မလိုဘူး။ ကျနော့်နဲ့အတူ ပြန်လာတဲ့ တခြားနယ်ကလူတွေကျတော့ ပေးရတယ်။ ပထမက ဘတ် ၅၀၀ပေးခိုင်းတယ်။ နောက်တော့ မပေးနိုင်လို့ ၃၀၀၊ ၂၀၀လောက်ပဲ ပေးရတယ်။”ဟု ပြောသည်။

၎င်းရဲဝန်ထမ်းများသည် ယင်းငွေညှစ်တောင်းခံမှုမှလွဲ၍ အလုပ်သမားများအား အတင်းအကြပ် ခြိမ်းခြောက်မှုများ မရှိသလို ငွေ မပေးဆောင်နိုင်သူများကို ဖမ်းဆီးထိန်းသိမ်းမှု တစုံတရာ လုပ်ဆောင်မှုများမရှိကြောင်း ကိုယ်တိုင်တွေ့မြင်ရသည့် ဘုရားသုံး ဆူမြို့ခံများက ပြောသည်။

၎င်းရေဘေးဒုက္ခသည်များသည် ရေကြောင်းခရီးဖြင့် ချောင်းဆုံမှ ဆိပ်ကြီးအထိ သမိချောင်းတစ်လျှောက်ရှိ အစိုးရစစ်တပ်၊ နယ်ခြားစောင့်တပ်အဖွဲ့၊ ကေအဲန်ယူ၊ မွန်စသည့် လက်နက်ကိုင်အဖွဲ့များ ဖွင့်လှစ်ထားသည့် ဂိတ်ပေါင်း ၂၀ကျော်ကိုလည်း တစ်ဦးလျှင် ၅၀၀ကျပ်မှ ၁,၀၀၀ကျော်အထိ ပေးဆောင်ရသေးကြောင်း ဒေသခံများ၏ ပြောပြချက်အရ သိရသည်။

ဘုရားသုံးဆူမြို့ ရပ်ကွက်(၃)မှ ကိုစိုးက “လမ်းစရိတ်လည်းမရှိ၊ တည်းခိုစရာနေရာလည်း မရှိသူတွေက ဓမ္မဟေ၀န်ဘုန်းကြီး ကျောင်းမှာ အယောက် ၁၀၊ ၂၀လောက် ပြန်လာအိပ်တယ်။ မိန်းကလေးကော၊ ယောက်ျားလေးကော၊ ကလေးတွေကော အကုန်လုံးပါတယ်။ ထမင်းပြန်လာတောင်းစားတာပေါ့ဗျာ။ သူတို့အမျိုးတွေကို မှာပြီးတော့ လာကြိုရတယ်ပေါ့။”ဟု ပြောသည်။

ဘန်ကောက်မြို့မှ ဘုရားသုံးဆူလမ်းကြောင်းတွင် ပြန်လာကြသည့် ရေဘေးဒုက္ခသည် မြန်မာအလုပ်သမား အများစုမှာ ကရင် ပြည်နယ်၊ ကြာအင်းဆိပ်ကြီးမြို့နယ်နှင့် မွန်ပြည်နယ်၊ မုဒုံ၊ မော်လမြိုင်၊ ကျိုက်မရောမြို့နယ်များမှ ဖြစ်ကြပြီး နေ့စဉ် မြန်မာအ လုပ်သမားဦးရေ ၁၀၀မှ ၂၀၀အထိ ထိုလမ်းကြောင်းအတိုင်း နေရပ်သို့ ပြန်လာနေကြသည်။

ထို့အတူ ထိုင်း-မြန်မာနယ်စပ် မဲဆောက်-မြ၀တီဘက်တွင်လည်း ယခင်လက ဘန်ကောက်မှ ပြန်လာသည့် ရေဘေးဒုက္ခသည် မြန်မာအလုပ်သမားများကို ထိုင်းလူဝင်မှုကြီးကြပ်ရေးနှင့် မြန်မာဘက်ကမ်း မြ၀တီဘက်မှ နယ်ခြားစောင့်အဖွဲ့များက ပူးပေါင်း ကာ ငွေညှစ်တောင်းခံမှုများ ရှိခဲ့သည်။

သို့သော် ထိုင်းနှင့် မြန်မာအာဏာပိုင်များက ၎င်းရေဘေးဒုက္ခသည်များကို အခမဲ့ ကူညီသွားရန် ယခုလ ၃ရက်နေ့က သဘောတူလက်မှတ်ရေးထိုးပြီးနောက်ပိုင်း မြ၀တီဘက် တွင် မြန်မာအလုပ် သမားများအပေါ် ငွေတောင်းခံမှုများ မရှိတော့ကြောင်း ပြော ဆိုနေကြသည်။

အမျိုးသမီးများအတွက် တရားမျှတမှုကို WLB ဆောင်ကြဉ်းစေလို

နိုဝင်ဘာလ ၈ရက်။ နော်ဆဲကလယ် (ကေအိုင်စီ)

အမျိုးသမီးများအဖွဲ့ချုပ် မြန်မာနိုင်ငံ (WLB)မှ စစ်ရာဇ၀တ်မှုနှင့် လူသားဖြစ်မှုကို ဆန့်ကျင်သော ရာဇ၀တ်မှုများအတွက် မြန်မာ စစ်တပ်၏ တာဝန်ခံမှု၊ တာဝန်ရှိမှုကို တောင်းဆိုသည့် “အမျိုးသမီးများအတွက် တရားမျှတမှုကို ဆောင်ကြဉ်းပါ”ဟူသော ဗီဒီ ယိုမှတ်တမ်းခွေကို နိုဝင်ဘာလ ၇ရက်နေ့က ထုတ်ဝေဖြန့်ချိခဲ့သည်။

အဆိုပါမှတ်တမ်းခွေ၏ သတင်းထုတ်ပြန်ချက်တွင် ကချင်၊ ကရင်နှင့် သျှမ်းဒေသများတွင် ဆက်တိုက် ဖြစ်ပွားနေသည့် အစိုးရ တပ်များ၏ ထိုးစစ်ဆင် တိုက်ခိုက်မှုများအပြင် အမျိုးသမီးနှင့် မိန်းကလေးငယ်များအပေါ် မုဒိမ်းပြုကျင့်မှုများကို အစီအစဉ်ချ ကာ ကျယ်ပြန့်စွာ ဆက်လက် ကျူးလွန်နေကြောင်း ဖော်ပြထားသည်။

မှတ်တမ်းခွေ ထုတ်ဝေရသည့် ရည်ရွယ်ချက်ကို WLB ပြောရေးဆိုခွင့်ရှိသူ နန်းဆိုင်နောင့်က ပြည်တွင်းပြည်ပရှိ မြန်မာပြည်သူ များအတွက် ဦးတည်ပြီး ထုတ်ဝေဖြန့်ချိခြင်းဖြစ်သည်ဟု ဆိုသည်။

WLB အထွေထွေ အတွင်းရေးမှူး ဒေါ်တင်တင်ညိုက “မြန်မာစစ်အစိုးရအနေနဲ့ အမျိုးသမီးတွေအပေါ်မှာ အတင်းအဓမ္မ ပြုကျင့် မှုတွေ အပါအ၀င် အခြားလိင်ပိုင်းဆိုင်ရာ အကြမ်းဖက်မှုတွေ အစီအစဉ်ချ ကျူးလွန်ခွင့် ပြုထားတယ်ဆိုတာကို ဒီမှတ်တမ်း ခွေက ပိုပြီး သက်သေပြနေပါတယ်။ ကုလသမဂ္ဂ အဖွဲ့ဝင်နိုင်ငံတွေအနေနဲ့ လူ့အခွင့်အရေး၊ အခြေခံ လွတ်လပ်မှု၊ ငြိမ်းချမ်းရေး လုံခြုံရေးတွေနဲ့ ပတ်သက်ပြီး လိုက်နာဆောင်ရွက်ပါ့မယ်လို့ သံဓိဋ္ဌာန်ထားတဲ့အတိုင်း ဆောင်ရွက်ပေးပါလို့ ကျမတို့ တိုက်တွန်း တောင်းဆိုချင်ပါတယ်။”ဟု ထုတ်ပြန်ချက်တွင် ပြောဆိုထားသည်။

ဤမှတ်တမ်းခွေတွင် မုဒိမ်းပြုကျင့်ခံရသည့် အမျိုးသမီးများအပြင် အမျိုးသမီးအဖွဲ့အစည်းများ လူ့အခွင့်အရေးကိစ္စ ဆောင်ရွက် နေသူများနှင့် မေးမြန်းထားချက်များလည်း ပါဝင်သည်။

ထို့အပြင် မြန်မာစစ်တပ်ခေါင်းဆောင် ဗိုလ်ချုပ်မှူးကြီးသန်းရွှေ အပါအ၀င် အပေါင်းပါများအား နိုင်ငံတကာ ရာဇ၀တ်မှုဆိုင်ရာ တရားရုံးသို့ လွဲပြောင်းတရားစွဲဆိုပြီး ကုလသမဂ္ဂ စုံစမ်းစစ်ဆေးရေး ကော်မရှင်ဖွဲ့ပေးရန် ထပ်မံ တောင်းဆိုခြင်းလည်းဖြစ်သည် ဟု WLB က ထုတ်ပြန်ထားသည်။

နန်းဆိုင်နောင့်က “ပြည်တွင်းအတွက်ကတော့ Media တွေကနေ ဒီအကြောင်းကို သတင်းလွှင့်တာမျိုးတွေကနေ ရနိုင်မယ်လို့ မျှော်လင့်ပါတယ်။ ပြည်ပဆိုရင် အာရှပစိဖိတ် Forum မျိုးတွေ၊ တခြားလှုံ့ဆော်ပွဲလိုမျိုးတွေမှာ ပြနိုင်ပါတယ်။ သံတမန်တွေ ကုလသမဂ္ဂ အဖွဲ့အစည်းတွေကိုလည်း ပို့ပေးနိုင်ပါတယ်။ ငြိမ်းချမ်းရေးလို့ပြောပြီး ဒါတွေ ဆက်ကျူးလွန်နေမယ်ဆိုရင် မရနိုင် ပါဘူးဆိုတာ အားလုံးကို သိစေချင်ပါတယ်။”ဟု ပြောသည်။

အင်္ဂလိပ်ဘာသာဖြင့် ထုတ်ဝေထားသည့် ယခု ဗီဒီယိုမှတ်တမ်းခွေနှင့် ပတ်သက်၍ အကျိုးသက်ရောက်မှုကို အတိအကျ မပြော ဆိုနိုင်သေးသော်လည်း ကျယ်ပြန့်စွာ ရောက်ရှိမည်ဟု ခန့်မှန်းမျှော်လင့်ကြောင်း သူမက ဆက်လက် ပြောဆိုသည်။

WBL သည် အမျိုးသမီးများ မုဒိမ်းပြုကျင့်ခံရမှုဆိုင်ရာ မှတ်တမ်းခွေများအဖြစ် “အမှောင်လွှမ်းစေသောတပ်မတော်မှ ဂုဏ်ပြု ထိုက်သောတပ်မတော်သို့”၊ “Ending Inpunity”နှင့် ယခု ထုတ်ဝေသည့် “အမျိုးသမီးများအတွက် တရားမျှတမှုကို ဆောင် ကြဉ်းပါ”တို့ကို ထုတ်ဝေခဲ့ပြီးဖြစ်သည်။