ထိုင်းမြန်မာ ဆက်သွယ်ရေး ရထားလမ်းသစ်ကို ၂၀၁၃ မတိုင်မီ အပြီး တည်ဆောက်မည်

Thursday, 24 May 2012 17:05

Written by ရွှေဟင်္သာသတင်းဌာန

ထိုင်း-မြန်မာ နှစ်နိုင်ငံ ဆက်သွယ် ထားသော မီးရထား လမ်းသစ်ကို မြန်နှုန်းမြင့် မီးရထားလမ်းအဖြစ် နှစ်နိုင်ငံ အစိုးရ များ၏ သဘော တူညီချက်အရ ၂၀၁၃ ခုနှစ် မတိုင်မီ အပြီးတည်ဆောက် သွားမည်ဟု ထိုင်းနိုင်ငံ ကုန်သည်များနှင့် စက်မှု လုပ်ငန်း ရှင်များ အသင်း ဥက္ကဋ္ဌ Mr.Jirabool Vitayasing က ပြောပါသည်။
အဆိုပါ ရထားလမ်းအား ပထမ အဆင့်အနေဖြင့် ထိုင်းနိုင်ငံရှိ ကန်ချနဘူရီခရိုင်မှ ကီလိုမီတာ (၁၅၀) အကွာအဝေးတွင်  ရှိ   သော ထားဝယ် ရေနက်ဆိပ်ကမ်းအထိ ဖောက်လုပ်သွားမည်ဖြစ်ပြီး ဒုတိယ အဆင့်အဖြစ် ထားဝယ်မြို့အား ဖြတ်ကျော်ကာ ရန်ကုန်မြို့အထိ ဆက်သွယ်သွားမည်ဖြစ်သည်။ အဆိုပါ မီးရထားလမ်းသည် အာရှ ကွန်ယက် မြန်နှုန်းမြင့် မီးရထားလမ်းနှင့် ချိတ်ဆက်ကာ တရုတ်နိုင်ငံ ယူနန်ပြည်နယ် အထိ ရောက်ရှိသွားမည် ဖြစ်ကြောင်း ၄င်းက ဆိုသည်။