အမိကရင်ပြည်

ခင်မျိုးသွယ်

အောက်တိုဘာလ ၂၃ ရက် ၂၀၁၂ ခုနှစ်

ရန်ကုန် (မဇ္ဈိမ) ။ ။ ဒုတိယ ကမ္ဘာစစ်အတွင်း မြန်မာ့မြေတွင် မြှုပ်နှံထားခဲ့သည့် မဟာမိတ် လေယာဉ်များကို
ပြန်လည်တူးဖော်၍ ပြုပြင်တပ်ဆင်ရန် ဖြစ်သည်။

“လေယာဉ်တွေကို ပြန်လည်တူးဖော်ခဲ့တာ ဟိုး လွန်ခဲ့တဲ့ ၁၅ နှစ်လောက် ကတည်းကပါ။ အဲဒီတုန်းက လေယာဉ်ရဲ့ အစအနတွေလောက်ပဲ ရှာနိုင်ခဲ့တယ်။ စာချုပ်မချုပ်ခင်အထိ အစီး တရာခန့် ရှာဖွေနိုင်ခဲ့တယ်။ အဲဒီတုန်းက နည်းပညာတွေရယ် နောက်ပြီး Apple ကုမ္ပဏီက နည်းပညာတွေရယ် ပေါင်းလိုက်တော့ ရှာရတာ ပိုပြီးလွယ်သွား တယ်” ဟု လေယာဉ်တူးဖော်ရေးတွင် ပါဝင်သည့် မြန်မာပညာရှင် ဦးစိုးသိန်း က ပြောသည်။

ဒုတိယကမ္ဘာစစ်ကာလအတွင်း ဗြိတိသျှ တော်ဝင်လေတပ်နှင့် မဟာမိတ်တပ်များ အသုံးပြုခဲ့ပြီး ဂျာမန်နှင့် ဝင်ရိုးတန်း
နိုင်ငံများအား အနိုင်တိုက်ရာတွင် အရေးပါခဲ့သည့် တယောက်ထိုင် Spitfire တိုက်လေယာဉ်များကို ယခုခေတ် ဗြိတိသျှလူငယ်များ ဂုဏ်ယူနိုင်ရန်အတွက် ပြတိုက်များတွင် ထားရှိပေးရန် ရှိကြောင်း သိရသည်။

“Spitfire တွေဟာ ဗြိတိန်နိုင်ငံသားတွေအတွက် Hero (သူရဲကောင်း)တွေပါ။ ဒီလေယာဉ်တွေက စက်နှိုးတာနဲ့
ရွေ့နိုင်တဲ့ အတွက် တိုက်ခိုက်ရေးမှာ အလွန် ကောင်းခဲ့တာပါ။ ဂျာမန်လေယာဉ်တွေကို အနိုင်တိုက်နိုင်ခဲ့တယ်” ဟု ဘူမိဗေဒဌာန အငြိမ်းစားပါမောက္ခ ဦးစိုးသိန်း က ပြောသည်။

စစ်အတွင်း မြန်မာပြည်တွင်လည်း ဂျပန်တို့အုပ်စိုးမှုအား ဗြိတိန်နှင့် မဟာမိတ်များက အဆိုပါ Spitfire လေယာဉ်များ
ဖြင့် ပြန်လည်တိုက်ခိုက်ရန် စီစဉ်ခဲ့ခြင်းဖြစ်ကြောင်း ဦးစိုးသိန်း က ဆိုသည်။

“လေယာဉ်တွေရဲ့ တောင်ပံ၊ ဘီး၊ ကိုယ်ထည် စတာတွေကို သပ်သပ်စီ သေတ္တာတွေနဲ့ ထုပ်ပိုးပြီး မြန်မာပြည်ကို သယ်လာခဲ့တာ” ဟု ဆိုသည်။

သို့သော် ထိုစဉ် အမေရိကန်က ဟီရိုရှီးမားနှင့် နာဂာဆကီမြို့ကြီးများပေါ် အနုမြူဗုံး ကျဲချပြီးနောက် ဂျပန်များ တရားဝင် လက်နက်ချသွား၍ အဆိုပါ Spitfire လေယာဉ်ပျံများ မြန်မာပြည်စစ်မြေပြင်တွင် အသုံးမလို ဖြစ်ခဲ့ရသည်။ ထို့နောက် ဗြိတိန် စစ်သေနာပတိချုပ် မောင့်ဘတ်တန် ၏ အမိန့်ဖြင့် မြန်မာပြည်တွင်းမှာပဲ သေတ္တာလိုက် မြှုပ်ခဲ့ရ သည်ဟု ဆိုသည်။

“အဲဒီမှတ်တမ်းတွေက ဗြိတိန်မှာ ရှိနေတယ်။ မြေမြှုပ်တုန်းက ပါဝင်ခဲ့တဲ့ အမေရိကန် စစ်သားဟောင်းတွေရဲ့ လက်ထဲ မှာလည်း ဒီမှတ်တမ်းတွေ ရှိနေတယ်။ အဲဒီ မှတ်တမ်းတွေရယ်၊ ခေတ်မီနည်းပညာတွေရယ် ပေါင်းပြီး ပြန်ရှာနိုင်ခဲ့တာ ပါ” ဟု ဘူမိဗေဒ ပညာရှင် ဦးစိုးသိန်း က ရှင်းပြသည်။

ထိုသို့ မြန်မာနိုင်ငံတွင်း မြှုပ်နှံကျန်ရစ်ခဲ့သည့် Spitfire လေယာဉ်များ ပြန်လည်တူးဖော်ရန် သမ္မတ ဦးသိန်းစိန်နှင့် သဘောတူညီချက် ရရှိထားပြီးဖြစ်ကြောင်းလည်း ဧပြီလ မြန်မာနိုင်ငံခရီးစဉ်အတွင်း ဗြိတိန်ဝန်ကြီးချုပ် ဒေးဗစ်ကမရွန်း က ပြောဆိုခဲ့ဖူးသည်။

ထိုသဘောတူညီချက်ရပြီး ၆ လ အကြာတွင် ယခုကဲ့သို့ မြန်မာ့လေကြောင်း ပို့ဆောင်ရေး ဦးစီးဌာန၊ ရွှေတောင်ပေါ် ကုမ္ပဏီလိမိတက် (STP)နှင့် ဗြိတိန်နိုင်ငံမှ DJC ကုမ္ပဏီတို့ လက်မှတ်ရေးထိုးနိုင်ခဲ့ကြခြင်း ဖြစ်သည်။

Source: http://www.mizzimaburmese.com/news/inside-burma/10304-2012-10-23-13-27-38.html