အမိကရင်ပြည်

အင်္ဂါနေ့၊ အောက်တိုဘာလ 30 ရက် 2012 ခုနှစ်

ကန္တာရ၀တီတိုင်း(မ်)

အစိုးရနှင့် KNPP အပစ်အခတ်ရပ်စဲ ထားတဲ့ကာလအတွင်း စီးပွားရေးလုပ်ငန်း တရားဝင်ဖို့ ကုမ္ပဏီမှတ်ပုံတင် ထားပြီး ကိစ္စများအပေါ် သိလိုသဖြင့် လွိုင်ကော်မြို့ KNPP ဆက်ဆံရေးရုံး တာဝန်ခံ ခူဒယ်နီယာနှင့် တွေ့ဆုံ မေးမြန်းခဲ့ပါတယ်။

ကယားထဲ။        ။ ဆရာတို့ ကေအဲန်ပီပီမှာ စီးပွားရေးလုပ်ဖို့ ကုမ္ပဏီတွေထူထောင်ထားပြီး ပါမစ်ရပြီလို့ ကြားပါတယ်။ အဲဒီ ကုမ္ပဏီနာမည်နဲ့ ကုမ္ပဏီဘယ်နှစ်ခုရှိထားလဲ အဲဒါတွေသိချင်ပါတယ်ရှင့်။

ခူဒယ်နီယာ။        ။ KNPP အနေနဲ့ ဘာမဆို စီးပွားရေးလုပ်ရင် တရားဝင်လုပ်ဖို့ စဉ်းစားထားတယ်။ တခုက ကယားဌာနေ ကုမ္ပဏီ အဲဒီအောက်မှာ ထုတ်လုပ်ရေးလုပ်ငန်းနဲ့ ထုတ်လုပ်မှုအတွက် နောက် တမောထျာဆိုတာ ရှိပါတယ်။ အဲဒါက ထုတ်ကုန် သွင်းကုန်လုပ်ဖို့ အစီအစဉ်ရှိတယ်။

ကယားထဲ။           ။ ဘယ်အချိန်မှာ စလုပ်ကြမလဲ။

ခူဒယ်နီယာ။           ။ ကုမ္ပဏီဖွဲ့တာကတော့ နှစ်လလောက်ရှိပြီ ဒါပေမယ့် လုပ်ငန်းကတော့ လုပ်ငန်းလိုင်စင်ရဖို့ လျှောက်ထားဆဲပဲပေါ့ ။ ဒီအခု မရသေးဘူး။ ကုမ္ပဏီကတော့ တရားဝင်မှတ်ပုံတင်ရပြီ ဒါပေမယ့်လို့ လုပ်ငန်းလိုင်စင်ဆိုတာရှိတယ်။ ဥပမာ- သတ္တုထုတ်လုပ်ခွင့် လိုင်စင်တို့ ဘာတို့အဲလိုတွေ လိုတယ်။

ကေအဲန်ပီပီ လွိုင်ကော် ဆက်ဆံရေးရုံးတာဝန်ခံ ခူဒယ်နီယာ (ဓါတ်ပုံ-ကေတီ)

ကယားထဲ။             ။ လုပ်ငန်းလိုင်စင်ရဖို့ ဆရာ့အနေနဲ့ ဘယ်တော့လောက်ခန့်မှန်းထားသလဲ။

ခူဒယ်နီယာ။           ။ သိပ်တော့မကြာတော့ဘူးလို့ ထင်ပါတယ်။ ဒါပေမယ့် အချက်အလက်တွေ
ပြည့်စုံမှုအပေါ်မှာလည်း မူတည်နေပါတယ်။ လျှောက်ထားတာတော့ ၁ လရှိပြီ။

ကယားထဲ။                   ။ ဟုတ်ကဲ့ ဒါဆိုလုပ်ငန်း လိုင်စင်ရပြီဆိုရင် အဓိက ဘာလုပ်ဆောင်ကြမလဲ။

ခူဒယ်နီယာ ။          ။ ရည်ရွယ်ထားတာကတော့ လက်ရှိသတ္တု မော်ချီးခဲ လုပ်ဖို့တော့ အစီအစဉ် ရှိပါတယ်။ အဲဒါလျှောက်ထား တာပေါ့လေး မော်ချီးမှာ ထုတ်ကုန်တခု နောက်ပြီးတော့ သံလွင်အရှေ့ဘက်မှာ အရင်က သစ်ဟောင်းတွေထုတ်ဖို့ အစီအစဉ်ရှိထားတယ်။ ဒါကလည်း လျှောက်ထားတယ် ရတယ်မရဘူး ဆိုတာ အတိအကျပြောလို့ မရသေးဘူး။

ကယားထဲ။                 ။ ဒါဆိုရင်သံလွင်မြစ်အရှေ့ဘက်က သစ်ဟောင်းဆိုတော့ အဲဒါတွေ အခုချိန်ဆို ဘယ်လောက်ထိ ရှိနေတာလဲ ကျန်နေတာလဲ သိချင်ပါတယ်။

ခူဒယ်နီယာ။                   ။ အဲလောက်ထိကတော့ တိကျပြောလို့မရဘူး တချို့က လိုက်ကြည့်တော့ ကြည့်တယ်။ တချို့လည်းကျန်တယ်လေး ပျက်စီးသွားတာလဲများတယ်။ ဘယ်လောက်ရနိုင်မလဲ မပြောနိုင်ပေမယ့် တန်ချိန်သောင်းဂဏန်းတော့ ခန့်မှန်းလို့ အဲလောက်ထိတော့ ခန့်မှန်းထားတာပေါ့ သောင်းကျော်ရှိအုံးမယ်။

ကယားထဲ။                   ။ သံလွင်မြစ် အရှေဘက်ကမ်းက လုပ်ထားတဲ့သစ်ဟောင်းဆိုတာက ဘယ်ကတည်းက လုပ်ထားတဲ့သစ်တွေလဲ ဘာဖြစ်လိုဒီလိုတွေ ကျန်ခဲ့တာလဲ ရှင်းပြပေးပါ။

ကေအဲန်ပီပီ လွိုင်ကော် ဆက်ဆံရေးရုံးတာဝန်ခံ ခူဒယ်နီယာ (ဓါတ်ပုံ-ကေတီ)
ခူဒယ်နီယာ ။          ။ ဒီဥစ္စာက တော်တော်ကြာပါပြီ ၈၇ ကတည်းက သံလွင်မြစ်အရှေ့ဘက်မှာ သစ်စလုပ်တယ် ဒါပေမယ့် ၉၅ ၊ ၉၆ အထိလုပ်တယ်။ အဲဒီ ၉၆ မှာ ပစ်ခတ်ရပ်စဲရေး ပျက်ပြယ်ပြီး နောက်ပိုင်း ဒီကုမ္ပဏီတွေကလည်း သစ်တွေမသယ်နိုင်တော့ဘူး ဒီအတိုင်းကျန်တယ်။ အဲဒါက ၉၅ နောက်ဆုံး
အခုလှဲထားတဲ့သစ် ဒါကတော့ ကေအဲန်ပီပီကနေ လုပ်ထားတာမဟုတ်ဘူး ကုမ္ပဏီတွေကနေခုတ်တာ ကုမ္ပဏီတွေကလည်း သူ့သက်တမ်းက ကုန်ရင်ကုန်မှာ လုပ်ခွင့်ပါမစ်ကလည်း အခုကုန်ပြီ ဘယ်သူ့နဲ့မှ မဆိုင်တော့ဘူး။

ကယားထဲ။                     ။ အဲဒီတုန်းက လုပ်တဲ့ကုမ္ပဏီက ဆရာတို့နဲ့ သက်ဆိုင်တာလား ခွင့်ပြုချက်တွေ ထားတဲ့သဘောလား အဲဒီကတည်းက ဘယ်ကို သယ်သွားကြတာလဲ။

ခူဒယ်နီယာ ။          ။ ဒီကုမ္ပဏီက ကေအဲန်ပီပီက ခွင့်ပြုထားတာမဟုတ်ဘူး။ ဗမာပြည်အစိုးရနဲ့ ထိုင်းအစိုးရက သဘောတူညီထားချက်အရ ထိုင်းအစိုးရက အဓိကမဟုတ်ပါဘူး ဗမာပြည်အစိုးရက အဓိကကျတယ်။ ခွင့်ပြုချက်နဲ့ပဲ ကုမ္ပဏီတွေကဝင်လာတယ်။ ကုမ္ပဏီတွေကလည်း ဒီထိုင်းနိုင်ငံကိုဘဲ
ပြန်ထုတ်သွားတာပေါ့။

ကယားထဲ ။                   ။ ဒါဆိုရင် ဆရာတို့က ဒီကျန်တဲ့သစ်ဟောင်းတွေလုပ်မှာပေါ့ အဲဒီသစ်ဟောင်းကို ဘယ်ဘက်ပို့ဖို့ အစီအစဉ်ရှိထားပါသလဲ။

ခူဒယ်နီယာ ။          ။ ဘယ်ဘက်ကိုပို့မလဲဆိုတာကလည်း အစိုးရခွင့်ပြုချက်အပေါ်မှာလည်း မူတည်နေပါတယ်။ ဒီသစ်လုပ်ထုံးလုပ်နည်းအရ အဆင့်တော့ရှိတယ်။ တောထဲက သစ်ဆိပ်တနေရာရာကိုစုပြီးတော့မှ အဲဒီပြီးမှ အကောက်တွေဘာတွေရိုက်အဲဒါ ပြီးမှ ဘယ်ကိုပို့မလဲဆိုပြီးတော့မှ နောက်တဆင့်ပေါ့ အဲလိုမျိုးလုပ်ဖို့ ရှိပါတယ်။

ကယားထဲ ။                  ။ ဆရာတို့အနေနဲ့ အစိုးရကို ပြန်ရောင်းဖို့အဲလိုလား ဘယ်လိုမျိုးလဲ။

ခူဒယ်နီယာ ။            ။ အဲလိုသဘောတော့မဟုတ်ဘူး လုပ်ထုံးလုပ်နည်းအရတော့ ကျွန်းတွေကို အစိုးရကို ပြန်သွင်းရတယ်။ ဒါပေမယ့် အခုရှိတဲ့နေရာက ဝေးတဲ့အတွက် အစိုးရက တရားဝင်ဝယ်မဝယ်တော့ မဆုံးဖြတ်ရသေးဘူးပေါ့ ။

ကယားထဲ ။                   ။ အခုလုပ်မည့် ကုမ္ပဏီက ဆရာတို့ရဲ့ စီမံခန့်ခွဲမှုအောက်မှာပဲလား ဘယ်လိုစီမံခန့်ခွဲကြမလဲ။

ခူဒယ်နီယာ ။          ။ တချို့တဝက်ကတော့ရှိလိမ့်မယ် ဘာဖြစ်လို့လဲဆိုတော့ ကျနော်တို့ စီးပွားရေးလုပ်တာကတော့ လူထုအတွက်ဖြစ်ရမယ် ဒီအဖွဲ့အစည်းမှာ အလုပ်လုပ်နေတဲ့ အဖွဲ့ဝင်တွေ သူတို့ရဲ့စားဝတ်နေရေး ဖြေရှင်းပေးဖို့ ဖြစ်နေလို့ တာက တဝက်စီလို့ ရည်ရွယ်ထားပါတယ်။
ဖွဲ့စည်းကတည်းကလည်း ကေအဲန်ပီပီနဲ့အားလုံးဖွဲ့ထားတာ မဟုတ်ဘူး လူထုတွေနဲ့တဝက်စီ ဖွဲ့ထားတယ် အဖွဲ့အစည်းနဲ့ဆိုင်တဲ့ တဝက်ပါတယ်။

ကယားထဲ ။                    ။ ဒါဆိုရင် တဝက်စီဖွဲ့စည်းထားတယ်ဆိုတော့ ဒီဖွဲ့စည်းပုံတွေကို ချပြလို့ရမလား။

ခူဒယ်နီယာ ။                  ။ ကုမ္ပဏီဖွဲ့စည်းပုံ အတိအကျ ကျနော်တို့ အမှန်ကတော့ အဓိက ဒါရိုက်တာပေါ့ ဒါရိုက်တာ နှစ်ယောက်သုံးယောက်ပဲလိုတယ်။ ဒါပေမယ့် အခုက တကယ်အလုပ်လုပ်ပြီ Work Permit ကျပြီဆိုရင် စီစစ်ဖွဲ့စည်းမှုတော့ ရှိရမယ်။ အခုက Work Permit မကျလာသေးတော့ ဖွဲ့စည်းမှု စီစစ်မှု မသွားရသေးဘူး။
ကုမ္ပဏီတခုက အနည်းဆုံး ၂ ယောက်ကနေ ၆ ယောက် အထိရှိတယ်ဆိုတော့ အခုက နှစ်ယောက်၊ နှစ်ယောက်တော့ ရှိတယ်။ နောက်ကျရင်တော့ ချဲ့ဖွဲ့စည်းဖို့ရှိတယ်။

ကယားထဲ ။                    ။ နှစ်ယောက် နှစ်ယောက်စီဆိုတာက တယောက်ချင်းစီက
ဆရာတို့အဖွဲ့အစည်းက နောက်တယောက်က တခြားလူထုဘက်က အဲလိုပြောတာလား။

ခူဒယ်နီယာ ။          ။ ဟုတ်ပါတယ်။

ကယားထဲ ။                    ။ လူထုအတွက်လည်း အကျိုးတဝက်ပါမယ်ဆိုတော့ ပထမဦးဆုံး
လုပ်ငန်းအောင်မြင်လာရင် ဘယ်တခုကို အရင်ဆုံးလုပ်ပေးမလဲ။

ခူဒယ်နီယာ ။          ။ ကျနော်တို့ စီးပွားရေးလုပ်ဖို့ဆိုတာက ပါတီကနေ စီးပွားရေး ကော်မတီဖွဲ့စည်းပါတယ် ပြီးတော့ စီးပွားရေးဆိုင်ရာ မူပေါ်လစီရေးဆွဲပါတယ်။ ရေးဆွဲပြီးတော့မှ ပါတီဗဟိုကော်မတီရဲ့ အတည်ပြုချက်နဲ့ ဒီအတိုင်းပဲ သွားမယ်။ ကျနော်တို့က ရေးဆွဲပြီးပြီ။ တင်လည်းတင်ပြီးပြီ လူထုအတွက် ဘယ်လိုလုပ်ပေးမလဲ ဆိုတာကတော့ ဒါနောက်ပိုင်းတခု
ကျနော်တို့က ရာခိုင်နှုန်းနဲ့ခွဲမယ်။ ဥပမာအကျိုးအမြတ် တရာရှိရင် ဘယ်လောက်က လူထုအတွက် ဘယ်လောက်က ဘယ်သူ့အတွက်ဆိုပြီး အရင်ဆုံးအဲလိုမျိုးခွဲထားတဲ့ ပေါ်လစီရှိတယ်။ အဲဒီပေါ်လစီတွေက ကေအဲန်ပီပီတခုတည်းအတွက် မဟုတ်ဘူး။ ဒါက ခုနက ကုမ္ပဏီမှာ ပါဝင်တဲ့ လူတိုင်းက ဒီအတိုင်းပဲ ကျင့်သုံးရမယ်။ ဒါကတော့ ဈေးကွက်ဆိုင်ရာ ပေါ်လစီပဲ လူထုအတွက် ဘယ်လိုအကျိုး အမြတ်ရရှိလာမလဲ ဆိုတာကတော့ ရလာတဲ့ ငွေတွေအပေါ်မှာ လူထုက ဘာလိုအပ်သလဲဆိုတာ ပြန်ကြည့်ပြီးတော့ ဆုံးဖြတ်ချက်ချမယ်။

ကယားထဲ ။                    ။ ဒါဆို ပေါ်လစီတွေကိုကော ရှင်းရှင်းလင်းလင်းဖြစ်အောင် ချပြပေးနိုင်မလား။

ခူဒယ်နီယာ။           ။ အခုက ကျနော်တို့ ပေါ်လစီရေးဆွဲပြီးတော့မှ တင်ထားတာပဲရှိသေးတယ် အတည်ပြုချက်မရသေးဘူး ဒါပေမယ့် အတည်ပြုချက်ရပြီးရင်ဆိုတော့ ဒီပေါ်လစီတွေက လူထုကြားသွားမယ် လူထုတိုင်းက ဒီပေါ်လစီကိုသိရမှာပေါ့ ပွင့်လင်းတဲ့အဖွဲ့အစည်းတခု အမြဲတမ်းပြောတယ်ဆိုတော့
ဘာပဲလုပ်လုပ် လူထုကအခြေခံတယ် လူထုကနားလည်ရမယ်။ ဒါက ကေအဲန်ပီပီရဲ့ နိုင်ငံရေးရည်မှန်းချက်တခု။

ကယားထဲ ။                    ။ ဆရာတို့နဲ့ အစိုးရအကြားမှာ နိုင်ငံရေးအဆင့်က တွေ့ဆုံမှုက
မပြီးပြတ်သေးတဲ့အချိန်မှာ စီးပွားရေးလုပ်ငန်းလည်း ကေအဲန်ပီပီက လုပ်ဆောင်နေတယ်ဆိုတော့ လူထုတွေရဲ့ အမြင်တွေဘက်မှာက ကျတော့လည်း တမျိုးတိမ်းစောင်း မနေနိုင်ဘူးလား။

ခူဒယ်နီယာ ။          ။ ကျနော်တို့က ဦးစားပေးမှု ၁ ၊ ၂ ၊ ၃ ဆိုတာတော့ မရှိဘူး တပြေးညီသွားရမှာပါဘဲ ဦးစားပေး ၁ အနေနဲ့တော့ နိုင်ငံရေးပါပဲ နိုင်ငံရေးဆိုတာက လူထုရဲ့အရေးပေါ့ ကျနော်တို့ ဒီစီးပွားရေးကို ထိပ်တင်ပြီးတော့ ဒါကတော့လုပ်နေတာ မဟုတ်ဘူး။ ဒါလည်းပြင်ဆင်မှု တခုပဲပေ့ါလေး နိုင်ငံရေးလုပ်နေတဲ့ အချိန်အတွင်းမှာ စီးပွားရေးလဲ စထားဖို့လိုတယ်။ ဖွံ့ဖြိုးရေးလည်း စထားဖို့လိုတယ်။ ကျန်းမာရေး ပညာရေးစသည်ဖြစ်ပေါ့ လုပ်ငန်းက တပြေးညီလုပ်သွားဖို့လိုတယ် စ ထားဖို့လိုတယ်။ စ ထားတဲ့အဆင့်ပဲ ရှိပါတယ်။ ကျနော်တို့ ကုမ္ပဏီထောင်နေတယ် စီးပွားရေးလုပ်နေတယ်ဆိုတာက ဘာရင်းနှီးမြှုပ်နှံမှုမှ မလုပ်သေးဘူး အချိန်မရွေးရပ်လို့ရတယ်၊ ကျနော်တို့ ဘာမှ နှစ်နာမှာ မဟုတ်ဘူး တကယ်လို့နိုင်ငံရေးက ကောင်းမယ် ကောင်းသွားတယ်ဆိုရင် ဒါအဆင်သင့်ဖြစ်ဖို့ပါဘဲ ဥပမာ နိုင်ငံရေးက ပျက်သွားမယ်ဆိုရင်လည်း ကုမ္ပဏီက ဘာမှနှစ်နာမှုမရှိပါဘူး။

ကယားထဲ ။                ။ ဆရာတို့ ပေါ်လစီတွေချပြမယ်ဆိုတော့ အရင်ကလို
လူထုတွေဆီ ကွင်းဆင်းပြီး သွားဖို့လား ဘယ်လိုလဲ။

ခူဒယ်နီယာ ။          ။ ကျနော်ထင်တယ် အဲလောက်ထိတော့ လုပ်လိမ့်မယ်တော့မထင်ဘူး ဒါပေမယ့်တော့ နေရာတကာကိုချပြပေးမယ် စီးပွားရေးက ပထမအဆင့် ဦးစားပေးအဆင့်တော့မဟုတ်ဘူး ဦးစားပေးရမယ့် အရာလဲမဟုတ်လို့ အဲလောက်ထိ အကျယ်တဝင့် လုပ်စရာမလိုဘူးလို့ ထင်ပါတယ်။ ဒီအတည်ပြုထားတဲ့ စီးပွားရေး ပေါ်လစီတခုကို ပြည်သူလူထုသိအောင် ပါဝင်တဲ့လူတိုင်းသိအောင် ဒါတွေကတော့ ချပြရမယ် ချပြသင့်တယ်။ ချလည်းချပြဖို့တော့ စီစဉ်ထားတယ်။

ကယားထဲ ။                    ။ တခြားအဖွဲ့အစည်းတွေလိုဘဲ သစ်တွေဘာတွေညာတွေ ထုတ်တော့မယ်
ဆိုပြီးလူထုတွေက မြင်လာတယ်။ အဲဒီတော့ ဆရာတို့ကလည်း ကုမ္ပဏီလည်းပါမစ်ရထားပြီ လုပ်ငန်းစဉ် ဆောင်ရွက်ဖို့လည်း လျှောက်ထားပြီဆိုတော့ ဆရာ့အနေနဲ့ လူထုတွေကို စီးပွားရေးနဲ့ပတ်သက်ပြီး ဘာပြောချင်ပါသလဲ။

ခူဒယ်နီယာ ။                  ။ ကျနော်တို့က အမြဲတမ်းပြောပါတယ် ကျနော်တို့က စီးပွားရေး အဖွဲ့အစည်းမဟုတ်ဘူး အဖြစ်လဲမခံဘူး။ ကျနော်ကိုယ်တိုင် စီးပွားရေးကော်မတီမှာ ပါဝင်တယ်။ ကုမ္ပဏီကို ကိုင်ထားတယ်ဆိုတော့ ကျနော်ကတော့ ကိုယ့်ကိုကိုယ်အာမခံတယ် ဒီအဖွဲ့အစည်းက စီးပွားရေးအဖွဲ့အစည်းလိုမျိုးတော့ လုံးဝအဖြစ်မခံဘူး။ ဖြစ်ရင်လည်း ကျနော်က လက်ခံမှာမဟုတ်ဘူး လူထုရှေ့မှာ အများကြီးလည်း ကတိပေးထားပြီးပြီ။ လူထုကအစပိုင်းမသိတဲ့သူကတော့ သူမြင်မှာပါပဲ။ တခုလူထုကို ပြောချင်တာက ဒီအဖွဲ့အစည်းကို နိုင်ငံရေးဘဲလုပ်မယ် ဘယ်သူက ထမင်းကျွေးမလဲ အဲဒီတချက်ပေ့ါ သူ့စားဝတ်နေရေး လိုမယ်။ နောက်ပြီးတော့မှ သူ့ရဲ့ အဖွဲ့ဝင်တွေ ရဲဘော်တွေက ဘယ်သူတွေက ထမင်းကျွေးမလဲ သူ့ရဲ့စားဝတ်နေရေးက ဘယ်သူတွေကပေးမလဲဆိုတော့ အဲဒါတွေကို စဉ်းစားတတ်ဖို့တော့ လိုလိမ့်မယ်။ အဲဒါကတော့ စီးပွားရေးကတဖက်လုပ်ရမယ်။ ဒါကတော့ ဒီတဖွဲ့ထဲ ချမ်းသာဖို့တော့ မရည်ရွယ်ဘူးပေါ့ ကေအဲန်ပီပီ အကျိုးအမြတ်ခံစားရတဲ့ နည်းအတူပဲ လူထုက ခံစားရမယ်။ လူထုက အစပိုင်းဆို မြင်ကောင်းမြင်နိုင်တယ် နောက်ပိုင်းကတော့ တဖြည်းဖြည်းသဘောပေါက်လာမယ် လူထုသဘောပေါက်ဖို့ ကျနော်တို့မှာ တာဝန်ရှိတယ်။

ကယားထဲ။                     ။ ဒီမေးခွန်းတွေအပေါ်မှာ တခြားဘာတွေ ဖြည့်စွက်ပြောချင်ပါသေးလဲ။

ခူဒယ်နီယာ ။          ။ စီးပွားရေးလုပ်တယ်ဆိုတာက ကျနော်တို့မှာ အခြေခံမူတွေ အများကြီးရှိပါတယ်။ ဥပမာ ဒီနိုင်ငံရေးရဲ့ ရည်မှန်းချက်တို့ မထိခိုက်စေရ ၊ သဘာဝပတ်ဝန်းကျင်တွေကို မထိခိုက်စေရ လူမှုအသင်းအဖွဲ့ စသည်ဖြင့် မထိခိုက်စေရတွေပေါ့ ပေါ်လစီတွေချထားတယ် ထွက်လာမည့်အကျိုးအမြတ် ဘယ်ရာခိုင်နှုန်းက ဘယ်သူအတွက်ဆိုတာတွေ ရှိတယ်။ စစချင်း လူထုရဲ့အမြင်မှာတော့ ဒီတဖွဲ့လည်း စီးပွားရေးဘဲလုပ်နေတယ် ဆိုပြီးမြင်ကောင်းမြင်နိုင်ပါတယ်။ ကြာလာရင်တော့ လူထုကနားလည်လာမှာပါ ကျနော်တို့လည်း လူထုနားလည်အောင် ချပြရှင်းလင်းဖို့လည်း တာဝန်ရှိပါတယ်။ ချပြသွားမှာပါ ။ ကျနော်တို့က စီးပွားရေးကို ဦးစားပေးမှာတော့မဟုတ်ဘူး နိုင်ငံရေးနဲ့ လူထုအရေးကို ဦးစားပေးမယ် တပြေးတည်းသွားနိုင်ဖို့ အစီအစဉ်ရှိတယ်။ sustainable ပဲပေါ့ တဖြည်းဖြည်းတိုးတက်မှု ခိုင်မာတဲ့ ရေရှည်တည်တံ့တဲ့ စီးပွားရေးစီမံကိန်းကို နိုင်ငံရေးလုပ်ငန်းစဉ်တို့ နဲ့ တပြေးညီသွား နိုင်ပါတယ်လို့ လူထု တွေကို ပြောချင်ပါတယ်။