အမိကရင်ပြည်

Thursday, 27 December 2012

ဒီဇင်ဘာလ ၂၇ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

စီပွားရေးနှင့်ဖွံ့ဖြိုးရေးဆိုင်ရာမူဝါဒများ ချမှတ်သွားရန်နှင့် ပြည်သူလူထု၏နစ်နာဆုံးရှုံးမှုများကို အကာအကွယ်ပြုင်ရေးအတွက် ရည်ရွယ်၍ ကရင်အမျိုးသားအစည်းအရုံး-ကေအဲန်ယူက ၎င်းတို့၏ (၁၅)ကြိမ်မြောက် ညီလာခံအပြီး လူ့အခွင့်အရေးကော်မတီတစ်ရပ် ဖွဲ့စည်းသွားရန် သဘောထားချမှတ်ခဲ့သည်။

ယခုနှစ်၊ နိုဝင်ဘာလ ၂၆ မှ ဒီဇင်ဘာလ ၂၆ ရက်နေ့အထိ ကေအဲန်ယူနယ်မြေ၊ ဘားအံခရိုင်၊ တပ်မဟာ(၇)ဒေသ၌ ပြုလုပ်ကျင်းပသည့် (၁၅)ကြိမ်မြောက် ကေအဲန်ယူ ညီလာခံသို့ ကိုယ်စားလှယ် ၁၇၁ဦး၊ လေ့လာသူ ၇၄ဦး စုစုပေါင်း ၂၄၅ဦး တက်ရောက်ကာ ညီလာခံအပြီးတွင် ယင်းအဖွဲ့ကို ဖွဲ့ရန် ထိုသို့ သဘောတူခဲ့ခြင်းဖြစ်သည်။

ကေအဲန်ယူ၏ တွဲဖက်အတွင်းရေးမှူး(၂)အသစ်ဖြစ်လာသူ ပဒိုမန်းမန်းက “သီးခြားလွတ်လပ်တဲ့ လူ့အခွင့်အရေး အဖွဲ့နဲ့ အခြားလူမှုအဖွဲ့အစည်းတွေ တင်ပြလာတဲ့ လူ့အခွင့်အရေးချိုးဖောက်မှုတွေကို အရေးယူဆောင်ရွက်နိုင်ဖို့ ကေအဲန်ယူမှာ ဒီလူ့အခွင့်အရေးကော်မတီကို ဖွဲ့စည်းတာပါ။ မကြာခင်က လက်ပံတောင်းတောင် ကြေးနီစီမံ ကိန်းမှာ ဖြစ်ပွားခဲ့တဲ့ အစိုးရရဲ့ အကြမ်းဖက်မှုကို ကြည့်ရင် ငြိမ်းချမ်းရေးအတွက် စိုးရိမ်စရာပဲ”ဟု ပြောသည်။

ဆက်လက်၍ ယင်းလူ့အခွင့်အရေးကော်မတီတစ်ရပ်ကို မကြာမီ ပြုလုပ်မည့် ဗဟိုကော်မတီ အစည်းအဝေးတွင် လိုအပ်သည့်အကြောင်းအရာများ အသေးစိတ် ညှိနှိုင်းကာ ဖွဲ့စည်းသွားမည်ဖြစ်သကဲ့သို့ ဖွဲ့စည်းပြီးသွားပါက လုပ်ငန်းစဉ်များနှင့် ပတ်သက်၍ ကေအဲန်ယူ အလုပ်အမှုဆောင်အဖွဲ့ဝင်များ အား ပြန်လည်ချပြမည်ဟု ပဒိုမန်းမန်းက ကေအိုင်စီသို့ ပြောဆိုသည်။

လက်ရှိမြန်မာနိုင်ငံ၌ အစိုးရမှ တိုင်းရင်းသားလက်နက်ကိုင်တော်လှန်ရေးအဖွဲ့များနှင့် အပစ်အခတ်ရပ်စဲရေး၊ ငြိမ်းချမ်းရေးလုပ်ငန်းစဉ်များဆောင်ရွက်နေချိန်တွင် လူထုလှုပ်ရှားမှုကို အကြမ်းဖက်နှိမ် နင်းပြီး ဖြစ်ရပ်မှန်ပေါ် ပေါက်ရေးအတွက် စုံစမ်းစစ်ဆေးရေးကော်မရှင်တစ်ရပ် ဖွဲ့စည်းခဲ့သည်မှာ ကြိုဆိုသော်လည်း စိုးရိမ်မှုများရှိနေ သေးကြောင်း ယနေ့ထုတ်ပြန်သည့် ကေအဲန်ယူ ကြေညာချက်၌ ပါရှိသည်။

ထို့အပြင် ကေအဲန်ယူနှင့် အစိုးရတို့အကြား လက်ရှိအပစ်အခတ်ရပ်စဲရေးနှင့် ငြိမ်းချမ်းရေးဖော်ဆောင်မှုလုပ်ငန်းစဉ်များကို ပြန်လည်သုံးသပ်၍ နိုင်ငံရေးဆွေးနွေးမှုအဆင့်သို့ရောက်စေရန် အမြန်ဆုံးအကောင်အထည်ဖော်ရန်၊ နိုင်ငံရေးဆွေးနွေးမှုများကို စတင်အကောင်အ ထည်ဖော်နိုင်ရေး အတွက် တစ်ပြည်လုံးအတိုင်းအတာ အပစ်အ ခတ်ရပ်စဲနိုင်ရေးကို အမြန်ဆုံးဆောင်ရွက်ရန် လိုအပ်ကြောင်းလည်း ကေအဲန်ယူက ထောက်ပြထားသည်။

“ငြိမ်းချမ်းရေးကိစ္စမှာ ကေအဲန်ယူနဲ့ မြန်မာအစိုးရအကြား ပစ်ခတ်ရပ်စဲရေးကိစ္စ မပြီးပြတ်သေးဘူး။ ပိုပြီးခိုင်မာဖို့ ဆွေးနွေးညှိနှိုင်းဖို့ ကျန်ပါသေးတယ်။ အဲဒါပြီးရင်တော့ နိုင်ငံရေးတွေ့ဆုံဆွေးနွေးပွဲမှာ တိုင်းရင်းသားတပ်ပေါင်းစု တွေနဲ့ ဒီမိုကရေစီအင်အားစုတွေ အားလုံးပါဝင်နိုင်ဖို့ လုပ်သွားမယ်”ဟု ပဒိုမန်းမန်းက ပြောသည်။

၎င်းအပြင် နိုင်ငံရေးနှင့်အမျိုးသားရေးဦးဆောင်မှုအခန်းကဏ္ဍတွင် အမျိုးသမီးများပါဝင်မှုပိုမိုအားကောင်းလာရေး ကို ပံ့ပိုးဆောင်ရွက်သွားရန် အမျိုးသားစည်းလုံးညီညွတ်ရေး၊ အုပ်ချုပ်ရေးနှင့် တည်ဆောက်ရေးစသည့် ရှေ့ လုပ်ငန်းစဉ်များကိုလည်း ချမှတ်ခဲ့သည်ဟု ကေအဲန်ယူ ထုတ်ပြန်ကြေညာချက်တွင် ထည့်သွင်းထားသည်။

တဆက်တည်းမှာပင် ညီလာခံ၌ ဗဟိုအလုပ်အမှုဆောင်ကော်မတီသစ် ၁၁ဦး ရွေးချယ်ခဲ့ရာတွင် ဗိုလ်ချုပ်ကြီး စောမူတူးစေးဖိုး (ဥက္ကဌ)၊ ပဒိုနော်စီဖိုးရာစိန် (ဒု-ဥက္ကဌ)၊ ပဒိုစောကွယ်ထူးဝင်း(အတွင်းရေးမှူးချုပ်)၊ ပဒို စောသောသီဘွဲ(တွဲဖက်အတွင်း ရေးမှူး-၁)၊ ပဒိုမန်းမန်း (တွဲဖက်အတွင်းရေးမှူး-၂)အပါအ၀င် ကော်မတီအဖွဲ့ဝင် များအဖြစ် ပဒိုစောရောဂျာခင်၊ ပဒိုမန်းငြိမ်းမောင်၊ ပဒိုစောသမိန်ထွန်း၊ ပဒိုစောတာဒိုမူး၊ ဗိုလ်မှူးချုပ်စောဂျော်နီ၊ ဗိုလ်မှူးချုပ် စောဘောကျော်ဟဲတို့ ပါရှိသည်။

ညီလာခံတွင် ကေအဲန်ယူ၏ (၄)နှစ်တာ ကာလလုပ်ငန်းအစီရင်ခံစာနှင့် နိုင်ငံရေးအစီရင်ခံစာများကို တင်သွင်းခြင်း၊ သုံးသပ်ခြင်း၊ အတည်ပြုခြင်းနှင့် ဖွဲ့စည်းပုံအခြေခံဥပဒေ၊ အခြေခံလုပ်ငန်းစဉ်၊ နိုင်ငံရေးလမ်းစဉ်များ ပြန်လည်စီစစ်သုံးသပ်အတည်ပြုခြင်းများ ပြုလုပ်ခဲ့သည်ဟုလည်း
ကေအဲန်ယူ ကြေညာချက်က ဆိုသည်။

ကေအဲန်ယူသည် ဒီမိုကရေစီရေး၊ တိုင်းရင်းသားတန်းတူရေးနှင့်ကိုယ်ပိုင်ပြဌာန်း ခွင့်ရရှိရေးကို လက်ရှိကြိုးပမ်း ဆောင်ရွက်လျှက်ရှိနေသော ငြိမ်းချမ်းရေးဖြစ်စဉ်နှင့်အတူ စစ်မှန်သောဖယ်ဒရယ်ပြည်ထောင်စု တည်ဆောက် နိုင်ရေးအတွက် တိုင်းရင်းသားအင်အားစုများ၊ ဒီမိုကရေစီအင်အားစုများနှင့်အတူလက်တွဲပူးပေါင်းကြိုးပမ်း ဆောင်ရွက်သွားမည်ဖြစ်ကြောင်း
ကြေညာချက်၏ နိဂုံး၌ ဖော်ပြထားသည်။

ပြီးခဲ့သည့် ၂၀၀၈ခုနှစ်၊ အောက်တိုဘာလက ကေအဲန်ယူ (၁၄)မြောက် ညီလာခံကို ကရင်ပြည်နယ်၊ ဖာပွန်မြို့ နယ်အတွင်းရှိ ကေအဲန်ယူ ထိန်းချုပ်နယ်မြေ၊ တပ်မဟာ(၅)တွင် ကျင်းပခဲ့သည်။