စစ်တပုိုင်းအစိုးရနဲ့အတူ ၄ နှစ်တာ ခရီးသွားပြီးတဲ့အခါ

8 November

၂၀၁၀ ရွေးကောက်ပွဲနဲ့ စစ်တပုိုင်းအစုိုးရတက်လာခြင်း

ဒီနေ့ နုိုဝင်ဘာလ ၇ ရက်နေ့ဟာ ၂၀၁၀ ကောက်ပွဲ ကျင်းပခဲ့တဲ့ ၄ နှစ်ပြည့်နေ့၊ တနည်းအားဖြင့် ယူနီဖောင်းဝတ် စစ်သားတွေ ၁၀၀% အုပ်ချုပ်ရေးကနေ ယူဖောင်းချွတ် စစ်သားတွေအဖြစ် အသွင်ပြောင်း အုပ်ချုပ်ခြင်း ၄ နှစ်ပြည့်နေ့ပါ။ ၁၉၈၈ မှာ အာဏာသိမ်း ခဲ့တဲ့ စစ်ခေါင်းဆောင် ဗုိုလ်ချုပ်မှုးကြီး သန်းရွှေ နအဖ ဥက္ကဌ ရာထူးကနေ တရားဝင် အနားယူပြီး ၀န်ကြီးချုပ် ဗိုလ်ချုပ်သိန်းစိန်က သမ္မတ ဦးသိန်းစိန်အဖြစ် စတင် တာဝန်ယူ အုပ်ချုပ်မှု စတင်တဲ့ နေ့ဖြစ်ပါတယ်။

(၂၀၁၀ ရွေးကောက်ပွဲကုို NLD ပါတီ သပိတ်မှောက်ခဲ့စဉ်က)

လူပေါင်း တသိန်းကျော်သေဆုံးခဲ့ရတဲ့ နာဂစ်မုန်တုိုင်း တုိုက်ခတ်ချိန်၊ လူအများစိတ်သောကရောက်နေချိန် မှာ အတည်ပြုခဲ့တဲ့ ၂၀၀၈ ခုနှစ်ဖွဲ့စည်းပုံအခြေခံဥပဒေအရကျင်းပတဲ့ ဒီရွေးကောက်ပွဲကုို အတုိုက်ခံ အမျိုး သားဒီမုိုကရေစီအဖွဲ့ချုပ် NLD ပါတီက သပိတ်မှောက်ခဲ့ပါတယ်။ ဒါပေမယ့် စစ်တပ်ကျောထောက် နောက်ခံပေးထားတဲ့ ကြံ့ခုိုင်ရေးပါတီ၊ အခြားပါတီငယ်တွေနဲ့ တုိုင်းရင်းသားပါတီတချို့က ၀င်ရောက်ယှဉ် ပြိုင်ခဲ့ပါတယ်။ 

ကြိုတင်မဲအပါဝင် နည်းပေါင်းစုံနဲ့ညစ်ပြီး ကြံ့ခုိုင်ရေးပါတီက အနုိုင်ယူခဲ့တယ်လို့ ပြိုင်ဖက်ပါတီတွေက စွပ်စွဲ ခဲ့ပေမဲ့ နောက်ဆုံးတော့ ဒီရွေးကောက်ပွဲရလာဒ်ကုို ကော်မရှင်ကအတည်ပြုလုိုက်ပါတယ်။ ဝေဖန်မှုမျုိုး စုံကြားထဲမှာပဲ ၀န်ကြီးချုပ်ဟောင်း ဦးသိန်းစိန်ဦးဆောင်တဲ့အစိုးရသစ်တက်လာပါတယ်။

ဒါပေမယ့် ထူးခြားတာကတော့ ဒီရွေးကောက်ပွဲအပြီး ၆ ရက်အကြာ နုိုဝင်ဘာလ ၁၃ ရက်နေ့မှာ အတိုက်ခံ ခေါင်းဆောင် ဒေါ်အောင်ဆန်းစုကြည်ကုို နေအိမ်အကျယ်ချုပ်ကနေ အာဏာပုိုင်တွေက ပြန်လွှတ်ပေးခဲ့ ပါတယ်။

နောက်ထပ်ထူးခြားချက်တခုကတော့ ဒီလုိုရွေးကောက်ပွဲအကြိုကာလနဲ့ ဒေါ်အောင်ဆန်းစုကြည် လွတ် မြောက်ကာစ ကာလတွေမှာ ပြည်တွင်း-ပြည်ပ မြန်မာ ပညာတတ်တချို့နဲ့ နုိုင်ငံတကာသံတမန်တချို့က ဒီကောက်ပွဲနဲ့ အစိုးရသစ်အပေါ် အကောင်းမြင်ကြိုဆုိုခဲ့ကြပြီး ဒီအပြောင်းအလဲလမ်းစကနေ ဒီထက် ကြီးမားတဲ့ ပြောင်းလဲမှုတွေထပ်ဖြစ်လာအောင် ကြိုးစားရမယ်လို့ လေသံပစ်ကြပါတယ်။

တတိယ အင်အားစုလုို့ခေါ်ကြတဲ့ ပြည်တွင်း-ပြည်ပ ပညာတတ်တချို့ အတော်အလုပ်များတဲ့ ကာလတခု ဖြစ်ခဲ့ပါတယ်။ ဆယ်စုနှစ် ၂ ခုကျော် နယ်စပ်နဲ့ ပြည်ပမှာနေထုိုင်ပြီး စစ်အစိုးရကုို လက်နက်ကုိုင်တော် လှန်ခဲ့သူတချို့နဲ့ ပညာရှင်တချို့ နေပြည်တော်နဲ့လှို့ဝှက်ဆက်သွယ်ပြီး ဆွေးနွေးမှုတွေ၊ အကြံပေးမှုတွေ လုပ်ခဲ့ကြပါတယ်။ အဲဒီနောက် အနောက်တုိုင်းသံတမန်တွေကပါ ဦးသိန်းစိန်အစုိုးရကို ပြုပြင်ပြောင်းလဲ ရေးလုပ်ချင်တဲ့အစိုးရအဖြစ် လေသံပစ်ပြီး နေပြည်တော်နဲ့ သံတမန်ဆက်သွယ်မှုတွေ ပြန်လည် အဆင့် မြင့်တင်ခဲ့ကြပါတယ်။

ဒီကာလအတွင်း အထူးခြားဆုံးတုိုးတက်မှုအဖြစ် လေ့လာသူတွေထောက်ပြတာကတော့ ၂၀၁၁ ခုနှစ် သြဂုတ်လအတွင်းမှာ သမ္မတဦးသိန်းစိန်နဲ့ ဒေါ်အောင်ဆန်းစုကြည်တုို့ ပထမ ဆုံးအကြိမ် မျက်နှာချင်း ဆုိုင်တွေ့ဆုံဆွေးနွေးမှုပါပဲ။ ဘာတွေဆွေးနွေးသလဲဆုိုတာကိုအသေးစိပ်မထုတ်ပြန်ပေမဲ့ သမ္မတကြီး ကို သူယုံပါတယ်လို့ ဒေါ်အောင်ဆန်းစုကြည်က ပြောဆုိုခဲ့ပါတယ်။

ဒီလုိုတွေဆုံမှုအပြီးမှာတော့ မြန်မာ့နုိုင်ငံရေး တခေတ်ဆန်းတော့မဲ့ပုံစံမျိုး နုိုင်ငံတကာဖက်ကမြင်လာပြီး ၂၀၁၁ ခုနှစ် ဒီဇင်ဘာလမှာ အမေရိကန်နုိုင်ငံခြားရေးဝန်ကြီး ဟီလရီကလင်တန်ကုိုယ်တုိုင် မြန်မာနုိုင်ငံ ဆီ လာရောက်လည်ပတ်လုိုက်တဲ့အခါမှာတော့ ဦးသိန်းစိန်အစိုးရသစ်ကုို နုိုင်ငံတကာက အသိမှတ်ပြုသလုို ဖြစ်သွားခဲ့ပါတယ်။ တချိန်တည်းမှာပဲ အတုိုက်ခံခေါင်းဆောင် ဒေါ်အောင်ဆန်းစုကြည်ကုိုလည်း ဦးသိန်းစိန် အစိုးရနဲ့ပူးပေါင်းဆောင်ရွက်ဖုို့ အမေရိကန်ဖက်က တုိုက်တွန်းခဲ့ပုံရတယ်လို့ လေ့လာသူတွေကပြောပါ တယ်။

၂၀၁၂ ကြားဖြတ်ရွေးကောက်ပွဲနဲ့ ပြုပြင်ရေး တကယ့်အချိန်ခါများ

အဲဒီနောက်ပုိုင်းမှာတော့ ၂၀၁၂ ခုနှစ် ဧပြီလ ၁ ရက်နေ့မှာ ကျင်းပမဲ့ ကြားဖြတ်ရွေးကော်ပွဲမှာ NLD ပါတီ ၀င်ပြိုင်မယ်လုို့ ဒေါ်အောင်ဆန်းစုကြည်က ကြေငြာလုိုက်ပါတယ်။ ဒီလုိုကြေငြာပြီးသိပ်မကြာခင် ၂၀၁၂ ခုနှစ် ဇန်နာဝါရီ ၁၂ ရက်နေ့မှာတော့ ရာနဲ့ချီတဲ့ နုိုင်ငံရေးအကျဉ်းသားတွေကုို ဦးသိန်းစိန်အစိုးရက လွတ်ပေးခဲ့ပါတယ်။

(၂၀၁၁ ခုနှစ် သြဂုတ်လအတွင်းကပြုလုပ်ခဲ့တဲ့ သမ္မတနဲ့ အတုိုက်ခံခေါင်းဆောင် ပထမ ဆုံးတွေ့ဆုံပွဲ)

၁၉၉၀ ရွေးကောက်ပွဲတုန်းက ဒုတိယ အမတ်နေရာအများဆုံး ရခဲ့တဲ့ ရှမ်းတုိုင်းသားပါတီဥက္ကဌခွန်ထွန်းဦး အပါင် တုိုင်းရင်းသားခေါင်းဆောင်တွေ၊ ၈၈ လေးလုံးခေါင်းဆောင်တွေဖြစ်တဲ့ မင်းကုိုနုိုင်၊ ကုိုကုိုကြီး အပါဝင် ကျောင်းသားခေါင်းဆောင်တွေ၊ ဗုိုလ်ချုပ်ကြီးဟောင်းခင်ညွန့်အ၀င် စစ်ထောက်လှမ်းရေးဖက်က ပုဂုိုလ်တွေ အတော်များများပြန်လွတ်လာခဲ့ပါတယ်။

ဒီလုို နုိုင်ငံရေးအကျဉ်းသားတွေအစုအပြံလုိုက်ပြန်လွှတ်ပေးတာ၊ ၂၀၁၂ ကြားဖြတ်ရွေးကောက်ပွဲမှာ ဒေါ်အောင်ဆန်းစုကြည်ကုို ၀င်ပြိုင်ခွင့်ပေးတာတွေကြောင့် ပြည်တွင်း-ပြည်ပကနေ ဦးသိန်းစိန်အစိုးရ ကုို တကယ့်ပြုပြင်ရေးလုပ်မဲ့အစိုးရအဖြစ် အမှတ်ပေးလုိုက်ကြပါတယ်။ ကြားဖြတ်ရွေးကောက်ပွဲကုို မဲလိမ် မှုမရှိပဲလုပ်ပေးလုိုက်တဲ့အတွက် ၄၂ နေရာမှာ NLD က ၄၁ နေရာအနုိုင်ရသွားခဲ့ပါတယ်။

အဲဒီနောက်ပုိုင်း အမေရိကန်နဲ့ဥရောပအပါဝင် အနောက်အုပ်စုတခုလုံးက ဦးသိန်းစိန်အစိုးရအပေါ် အရင် ကချမှတ်ထားခဲ့တဲ့ပိတ်ဆုို့မှုတွေကို ရုတ်သိမ်းပေးလုိုက်ပါတယ်။ အတုိုက်ခံခေါင်းဆောင် ဒေါ်အောင်ဆန်း စုကြည်နဲ့ သမ္မတဦးသိန်းစိန်တုို့ အမေရိကန်၊ ဥရောပနဲ့ အနောက်နုိုင်ငံတွေဆီ အပြိုင်အဆုိုင် လည်ပတ် စည်းရုံးခဲ့ကြပါတယ်။

ဒီလုိုနဲ့ ၂၀၁၂ နှောင်းပုိုင်းနဲ့ ၂၀၁၃ အစောပုိုင်းကာလတွေဟာ မြန်မာ့နွေဦးရဲ့ တကယ့်ပြုပြင်ပြောင်းလဲရေး ကာလလို့ထင်ရလောက်အောင်ကုို အပြုသဘောဆောင်တုိုးတက်မှုတွေကိုမြင်လာခဲ့ရပါတယ်။ အဲဒီထဲက အထင်ရှားဆုံးတုိုးတက်မှုကတော့ မီဒီယာဖက်မှာဖြစ်ပြီး ဖမ်းဆီးခံသတင်းသမားအားလုံးကို ပြန်လွှတ်ပေး ခဲ့ပါတယ်။ စာပေစီစစ်ရေးဌာနကုိုဖျက်သိမ်းပြီး လွတ်လပ်စွာရေးသားခွင့်ပြုခဲ့ပါတယ်။ ပုဂ္ဂလိက သတင်းစာ တွေ ထုတ်ခွင့်ပြုခဲ့ပါတယ်။ တချိန်က အတုိုက်ခံသတင်းဌာနတွေ၊ စစ်အစိုးရဆန့်ကျင်ရေးသတင်းဌာန တွေကို ပြည်တွင်းမှာ ပြန်လည်အခြေစိုက်ခွင့်ပေးခဲ့ပါတယ်။ နုိုင်ငံတကာသတင်ထောက်တွေကိုလဲ ပြည်ဝင်ခွင့်ဗီဇာပေးလာခဲ့ပါတယ်။

အခြားသိသာတဲ့တုိုးတက်မှုကတော့ နှစ်ပေါင်း ၆၀ နီးပါး လက်နက်ကုိုင် တုိုက်ပွဲဝင်နေတဲ့ နယ်စပ်တကျော ရှိ တုိုင်းရင်းသားလက်နက်ကုိုင်အဖွဲ့ ၂၀ နီးပါးနဲ့ အပစ်ခတ်ရပ်စဲရေးဆွေးနွေးလာပါတယ်။ နေရာအတော် များများမှာတုိုက်ပွဲတွေရပ်ပြီး ငြိမ်းချမ်းရေးလက်မှတ်ထုိုးလာနုိုင်ခဲ့ပါတယ်။ နုိုင်ငံတကာဖက်ကလဲ ငြိမ်းချမ်းရေးလုပ်ငန်းစဉ်အပေါ် အင်တုိုက်အားတုိုက်ကူညီခဲ့ပါတယ်။

အရှိန်ကုန်သွားတဲ့အစိုးရနဲ့ မနုိုင်၍သီးခံနေရတဲ့ အတုိုက်ခံတုို့ဘ၀

စစ်အာဏာရှင်စနစ်ကနေ ဒီမုိုကရေစီစနစ်ဆီ အသွင်ပြောင်းမှုလုပ်ငန်းစဉ် အရှိန်ကောင်းတုန်း ၂၀၁၂ မကုန်ခင်လေးမှာ ဘာသာရေးပတိပက္ခတွေ ရခုိုင်ဖက်မှာစတင်ပေါ်လာပါတယ်။ ဒီဖြစ်စဉ်ကုို အစိုးရပုိုင် မီဒီယာတွေက ဗုဒ္ဓဘာသာဖက်ကုိုအသာပေးပြီးဖေါ်ပြတဲ့အတွက် သွေးထုိုးလှုပ်ဆော်သလုိုဖြစ်သွားပြီး အခြေနေတွေ ပိုဆုိုးသွားတာလုို့ လေ့လာသူတွေကပြောပါတယ်။

(မကြာသေးခင် ရက်ပုိုင်းကမှ ပြုလုပ်ခဲ့တဲ့ အဖြေမထွက်တဲ့ ထိပ်သီးအစည်းဝေး)

အဲဒီနောက်ပုိုင်းမှာတော့ မြန်မာနုိုင်ငံအလယ်ပုိုင်း မိတ္တိလာ၊ မြောက်ပုိုင်းလားရှိုးကနေ နောက်ဆုံး ဒုတိယ မြို့တော် မန္တလေးအထိပြန်နှံ့ပြီး လူတွေ ရာနဲ့ချီသေဆုံးခဲ့ရပါတယ်။ ဘာသာတခုနဲ့ တခုအကြား မယုံ သင်္ကာမှုပုိုတုိုးလာပြီး ခွဲခြားဆက်ဆံမှုတွေ တုိုးလာစေခဲ့ပါတယ်။ 

တချိန်တည်းမှာပဲ တုိုင်းရင်းသားလက်ကုိုင်တချို့နဲ့တုိုက်ပွဲတွေပြန်ဖြစ်လာပြီး ကချင်လွတ်မြောက်ရေး အဖွဲ့ကဆုိုရင် အပစ်ခတ်ရပ်စဲရေးလုပ်ဖုို့ ငြင်းဆုိုတဲ့အထိအခြေနေဆုိုးလာပါတယ်။ တခါ ကရင်လက် နက်ကုိုင်၊ ရှမ်းလက်နက်ကုိုင်တချို့နဲ့လဲ တုိုက်ပွဲတွေပြန်ဖြစ်လာနေပါတယ်။

နုိုင်ငံရေးဖက်မှာလဲ ၂၀၀၈ ဖွဲ့စည်းပုံထဲက ဒီမုိုကရေစီနည်းလမ်းမကျတဲ့ ပုဒ်မတွေကိုပြင်ပေးဖုို့ NLD နဲ့ ၈၈ မျိုးဆက်တွေ စုပေါင်းတောင်းဆုိုမှုကို အစိုးရဖက်က ပယ်ချခဲ့ပါတယ်။ အများပြည်သူပုိုင်တဲ့ လယ်မြေတွေ ကုို စစ်တပ်နဲ့ ကုပ္ဗဏီတွေက အဓ္ဓမသိမ်းယူတာတွေဆက်လုပ်လာခဲ့ပါတယ်။ စာနယ်ဇင်းသမားတွေကို ဖမ်းဆီး ထောင်ချ၊ သတင်းစာတုိုက်တွေကို အစိုးရဖက်က တရားစွဲဆုို၊ အခုနောက်ဆုံး သတင်းထောက်ကို စစ်တပ်က ပစ်သတ်တဲ့အထိအခြေနေတွေ ဆုိုးလာနေပါတယ်။

ဒီလုိုအခြေနေအရပ်ရပ်ကုို ဒေါ်အောင်ဆန်းစုကြည်ဦးဆောင်တဲ့ ဒီမုိုကရေစီအင်အားစုတွေ၊ တုိုင်းရင်း သားအင်အားစုတွေအားလုံးကသိရှိနေပေမဲ့ ဦးသိန်းစိန်အစိုးရကို ပြန်တော်လှန်ဖုို့၊ လက်ရှိ သွားနေတဲ့ နုိုင်ငံရေးအခင်းအကျင်းကနေ ပြန်ရုန်းထွက်ဖို့ မလွယ်ဘူးဖြစ်နေပုံရတယ်လို့ အကဲခတ်တွေက ထောက်ပြပါတယ်။

၂၀၁၂ ကြားဖြတ်ရွေးကောက်ပွဲမ၀င်ခင်ကပေးခဲ့တဲ့ အခြေခံဥပဒေပြင်ဆင်ရေး၊ တရားဥပဒေစိုးမုိုးရေးနဲ့ ပြည်တွင်းငြိမ်းချမ်းရေးအတွက် ဒေါ်အောင်ဆန်းစုကြည်နဲ့ NLD က အခုချိန်ထိ ဘာမှလုပ်မပေးနုိုင်ခဲ့ပါ။ ကတိပေးထားတဲ့အတုိုင်း မလုပ်ပြနုိုင်တဲ့အတွက် လွှတ်တော်လမ်းကြောင်းကိုစွန့်ပြီး လူထုတုိုက်ပွဲ လမ်းကြောင်းကို NLD ကပြန်ရွေးမလား။ ၂၀၀၈ ဖွဲ့စည်းပုံအခြေခံဥပဒေကုို ဦးသိန်းစိန်အစိုးရနဲ့ ကြံ့ခုိုင်ရေးပါတီဖက်က မပြင်ပေးဘူး ဆုိုရင် ၂၀၁၅ ရွေးကောက်ပွဲကို သပိတ်မှောက်မလား။

ဒါပေမယ့် နယ်စပ်က လက်နက်ကုိုင်တွေရော၊ ရန်ကုန်က နုိုင်ငံရေးပါတီတွေကြားမှာပါ တူညီနေတဲ့ အချက်တခုက တော့ ဦးသိန်းစိန်အစိုးရဖက်က မရုိုးသားတာ။ နုိုင်ငံရေးဝါဒဖြန့်နေတာကိုသိပါလျက်နဲ့ လက်ရှိအခြေနေကနေ ရုန်း ထွက်ဖုို့မဖြစ်နုိုင်ဘူး။ လက်ရှိရနေတဲ့နုိုင်ငံရေးအခွင့်အခါကောင်းတွေကို ငြင်းပယ်လိုက်မယ်ဆုိုရင် တုိုက်ပွဲတွေ ပြန်ဖြစ်လာမယ်၊ အဖမ်းဆီးတွေ ပြန်ဖြစ်လာမယ်။ ပြည်သူ လူထုပုိုနစ်နာမယ်။ 

ဒါကြောင့် ဖွဲ့စည်းပုံ ပြင်ပြင်မပြင်ပြင် ရွေးကောက်ပွဲဝင်မှဖြစ်မယ်။ မပြင်ပေးလုို့ မ၀င်ဘူးဆုိုပြီး သပိတ်မှောက်လုိုက် ရင် အစိုးရဖက်က ပုိုကြိုက်တဲ့အတွက် သူ တုို့အကွက်ထဲဝင်သွားမယ်။ မကြိုက်သော်လည်း အောင့်ကာနမ်း ရတော့မဲ့အခြေနေရောက်နေပြီဆုိုပြီး NLD ဖက်က ပြောဆုိုသံတွေကို ၂၀၁၅ ရွေးကောက်ပွဲနီးလေ ပုိုကြားလာ ရလေဖြစ်လာနေပါတယ်။

ဒီအခြေနေကနေရုန်းထွက်နုိုင်ဖုို့ဘာလုပ်သင့်သလဲ

ဖွဲ့စည်းပုံအခြေခံဥပဒေပြင်ရေးလှုပ်ရှားမှုအပြင် လူ့အခွင့်ရေးချုိုးဖေါက်ခံရမှုကြောင့် နေစဉ်နဲ့အမျှဆန္ဒပြ နေကြတဲ့ လယ်သမားတွေ၊ အလုပ်သမားတွေအရေးကိုပါ ဦးဆောင်ပါဝင်ဖုို့လုိုနေပါတယ်။ လမ်းမ ပေါ် ထွက်တဲ့ ဆန္ဒပြပွဲတွေကိုအားမပေးဘူးဆုိုတဲ့ပေါ်လစီကုို ပြန်သုံးသပ်ဖုို့ လုိုလာပါတယ်။ 

(ပုဒ်မ ၄၃၆ ပြင်ရေးအတွက် NLD နဲ့ ၈၈ တုို့ လူထုကိုစည်းရုံးဟောပြောနေစဉ်)

၂၀၁၅ ရွေးကောက်ပွဲမတုိုင်မီ ဖွဲ့စည်းပုံပြင်နုိုင်ရေးအတွက် လွတ်တော်အတွင်းလှုပ်ရှားမှုအပြင် လွတ်တော် ပြင်ပလှုပ်ရှားမှုကို အရှိန်မြင့်ဖုို့လုိုအပ်နေပါတယ်။ အထူးသဖြင့် တုိုင်းရင်းသားပါတီတွေ၊ တုိုင်းရင်းသား အင်အားစုတွေနဲ့ မဟာမိတ်ဖွဲ့ပြီး ပူးပေါင်းဆောင်ရွက်မှုတုိုးမြင့်ဖုို့လုိုနေပါတယ်။ ၈၈ အဖွဲ့နဲ့ ပူးပေါင်းဆောင် ရွက်မှုကုိုလဲ ဒီထက်မက တုိုးမြင့်ဖုို့လုိုအပ်နေပါတယ်။

ဦးသိန်းစိန်အစိုးရနဲ့ မျက်နှာပျက်ရမှာစုိုးလုို့ ဘာမှမဝေဖန်ပဲ ရေငုံနှုတ်ပိတ်နေတဲ့ ပေါ်လစီကုို ဒေါ်အောင် ဆန်းစုကြည်နဲ့ NLD က ပြန်သုံးသပ်သင့်ပါတယ်။ ဦးသိန်းစိန်အစိုးရနဲ့ လက်ရှိအာဏာပုိုင်တွေရဲ့ လူထုအပေါ် မတရားအနုိုင်ကျင့်မှုတွေ၊ လာဘ်စားမှုတွေ၊ အများပြည်သူဘ၀တုိုးတက်ရေးအတွက် ဘာမှမဆောင်ရွက်ပဲ မျက်ကွယ်ပြုထားတာတွေကို ဒီထက်မက ဝေဖန် ထောက်ပြသင့်ပါတယ်။ 

အထူးသဖြင့် ၂၀၁၅ ရွေးကောက်ပွဲကို စောင့်ကြည့်နေတဲ့ နုိုင်ငံတကာအစိုးရတွေ သိအောင် (မသိဟန်ဆောင်နေတာလဲဖြစ်နုိုင်ပါတယ်) ဒေါ်အောင်ဆန်းစုကြည်ဖက်ကနေ လူထုအားနဲ့ တုိုင်းရင်းသားအားကိုယူပြီး အရှိကုိုအရှိအတုိုင်း ပွင့်ပွင့်လင်းလင်းထုတ်ဖေါ်ပြောဆုိုဖုို့လုိုနေပါတယ်။

အဲဒီလုိုပြောဆုို ဖိအားပေးမှုကနေတဆင့် (လူစု ဓာတ်ပုံရုိုက်ခံနေရတဲ့ အဆင့်ကိုကျော်ပြီး) အနှစ်သာရရှိတဲ့ ၂ ဖက် (အစိုးရနဲ့အတုိုက်အခံ) ဆွေးနွေးပွဲဖြစ်လာအောင်လုပ်ဖုို့ အချိန်ရောက်နေပြီဖြစ်ပါကြောင်း တင်ပြ လုိုက်ရပါတယ်။ ။

ထက်အောင်ကျော်