အမိကရင်ပြည်

အပိုင်း (၃)

1975 ခုနှစ်တွင် ထီးသေခီ၌ ဗဟိုအကျယ်ချုပ်အဖြစ် သွားရောက်နေထိုင်ခဲ့ရ သည်။ 1976 တွင် မာနယ်ပလောဖြစ်လာမည့် နယ်မြေသစ်ကို အဖေါ် (၄)ဦးနှင့် အတူ ရှာဖွေခဲ့ပြီး ဗိုလ်ချုပ်မြအပါအ၀င် အားလုံးသဘောတူညီချက်ဖြင့် ခုတ်ထွင် ရှင်းလင်းတည်ဆောက်ရေးများလုပ်ကာ ထိုနေရာမှာပင် ဗိုလ်မှူးကြီးတာအယ်မှာ မိသားစုနှင့်အတူ သွားရောက်နေထိုင်ခွင့်ရခဲ့သည်။

မာနယ်ပလောအခြေစိုက် မယ်ပရုကရူ၏ ကျေးရွာများ ထမင်းမငတ်ရေး၊ ဖွံ့ဖြိုး စည်ပင်ရေးအတွက်လည်း ကူညီဆောင်ရွက်ပေးနိုင်သည့်အပြင် ထိုကျေးရွာမှ နေ၍ ပြည်သူ့စစ်တပ်ဖွဲ့များကိုလည်း ဖွဲ့စည်းပေးနိုင်သည်။ တပ်မဟာ (၂)၊ တပ် မဟာ (၃)နယ်မြေများသို့ပါ ရောက်ရှိနေထိုင်ကာ စည်းရုံးရေးလုပ်ငန်းများလုပ် ဆောင်ခဲ့သည်။ တပ်မဟာ (၆)နှင့် ဗဟိုကို ကူးချည်သန်းချည် သွားလာနေရာမှ 1983 ခုနှစ်တွင် ဗိုလ်ချုပ်မြ၊ ပဒိုဘသင်နှင့် ဗဟိုကော်မတီများ၏ တရားဝင်ဆုံး ဖြတ်ချက်ဖြင့် တပ်မဟာ (၆) ဒူးပလာယာခရိုင်တွင် ခရိုင်ဥက္ကဌအဖြစ်တာဝန်ယူ ခဲ့ရသည်။

ခရိုင်ဥက္ကဌလုပ်ငန်းများ တာဝန်မယူမီ ဗီဒီယို ရုပ်ရှင်ကား (၃)ကားကို ရိုးရိုးလေး သက်နိုင်၊ ဦးရင်လှ၊ ပဒိုထူးလိုတို့ အကူအညီဖြင့် ရိုက်ကူးခဲ့သည်။ ကရင့်သွေး၊ ကရင့်သားကောင်းသမီးကောင်းများနှင့် သွေးဖြင့်လက်ကမ်းသော သန္နိဌာန် အ မည်ရှိဇာတ်ကားများဖြစ်သည်။ ဆရာဆာကဆော၊ ရဲဘော်ကံလှ စသူတို့နှင့်အတူ ကရင့်တော်လှန်ရေး၏ နေ့ကြီးရက်ကြီးများ အထိမ်းအမှတ်စာအုပ်များနှင့် နိုင်ငံ ရေးထိုးစစ်ပြုလုပ်သည့် စာစောင်စာတန်းများကိုလည်း အခါအားလျော်စွာရေး သားထုတ်ဝေခဲ့သည်။ ခရိုင်ဥက္ကဌအဖြစ် တာဝန်ယူစဉ်အတွင်း ကျန်းမာရေး၊ ပညာရေးကဏ္ဌများကို တိုးမြင့်ခဲ့ပြီး လယ်ယာ၊ သစ်တော၊ အခွန်အကောက်၊ ဘာ သာရေးပွဲလမ်းများ စသည်တို့အပြင် စည်းရုံးရေးကဏ္ဌတွင်လည်း ခရိုင်တွင်းမြို့ နယ်၊ ကျေးရွာများအထိ လူငယ်အစည်းအရုံးများ၊ အမျိုးသမီးအစည်းအရုံးများ အဆင့်ဆင့်ဖွဲ့စည်းလုပ်ဆောင်နိုင်ခဲ့သည်။

မွန်ပြည်သစ်ပါတီ နယ်မြေကိစ္စပြသနာ ဖြစ်ရသောအခါတွင် ခရိုင်ဥက္ကဌတဦး အနေဖြင့် ဗဟိုခေါင်းဆောင်များနှင့်အတူ ဦးဆောင်ဆွေးနွေးဖြေရှင်းခဲ့သည်။ 1988 ခုနှစ်ဗမာတနိုင်ငံလုံး လူထုအုံကြွမှုအရေးအခင်းကြီးတွင် (KNU)သို့ရောက် လာကြသော ကျောင်းသားများ၊ (NLD)လွတ်တော်ကိုယ်စားလှယ်များ၊ လူ့ဘောင် သစ်ဒီမိုကရက်ပါတီ စသည့် ဒီမိုကရေစီရေးအဖွဲ့အစည်းများကိုလည်း အားပေး ထောက်ကူမှုများလုပ်ခဲ့သည်။

1983 ခုနှစ်မှစပြီး ခရိုင်ဥက္ကဌအဖြစ် ဆောင်ရွက်ခဲ့ရာတွင် 1984 ခုနှစ်၊ ခရိုင်ညီ လာခံမှာ အရှိန်ရလာကာ 1988၊ 1992၊ 1996 နှင့် 2000 ပြည့်နှစ်ညီလာခံများ အထိ ခရိုင်ဥက္ကဌတာဝန်ကို ယုံကြည်အားထားစွာ ပေးအပ်ခြင်းခံခဲ့ရသည်။

2000 ခုနှစ်တွင် သားသမီး (၃)ဦးအနက် ဒုတိယမြောက်သားဖြစ်သော မောင် ထော်စိုးရုတ်တရက်ဆုံးပါးသွားသည့်နောက်ပိုင်းတွင် ဖူးတာအယ်၏ စိတ်ဓါတ်ခံ စားမှုအခြေအနေမှာ သိပ်ပြီးမကောင်းတော့ချေ။ အတွေးများ၊ အစားပျက်၊ အိပ် ရေးပျက်ကာ ကျန်းမာရေးမှာလည်း ချို့တက်လာခဲ့သည်။ သို့ရာတွင် တော်လှန် ရေးတာဝန်များကို ကျရာနေရာက လုပ်ဆောင်မည်ဆိုသည့် စိတ်ဓါတ်ကမူ ပ ပျောက်မသွား၊ စကားပြောရင်းမေ့တတ်ခြင်း၊ ဟောပြောရာ၌အကြောင်းအရာ အ ဆက်အစပ်ကို နိဂုံးချုပ်၍ မရခြင်းများဖြစ်လာသည်။ ဆရာဝန်နှင့် စစ်ဆေးကြည့် ရာတွင် ဦးဏှောက်ကျုံ့သည့်ရောဂါဖြစ်ကြောင်းသိရ၍ စာရေးစာဖတ်မလုပ်ရန် ညွှန်ကြားခဲ့သည်။ သို့ရာတွင် ဦးဏှောက်မှာလုံးဝပျက်စီးသည်မဟုတ်ဘဲ ရေဒီယို နားထောင်ကာ သတင်းဝေဖန်မှုများပေးနိုင်ခဲ့သည်။ 2003 ခုနှစ်အတွင်း ကျန်းမာ ရေးမကောင်း၍ တာဝန်မှ အနားယူခွင့်ပြုရန် (KNU)အတွင်းရေးမှူးထံ သွား ရောက်ပြောကြားရင်း ကင်ဆာရောဂါခံစားနေရသော အတွင်းရေးမှူး၏ ဇနီးဖြစ် သူကို အားပေးကာ တော်လှန်ရေးထဲလုပ်ဆောင်မှုများအတွက် ကျေးဇူးတင် ဂုဏ်ယူကြောင်း ပြောကြားခဲ့သည်။ အတွင်းရေးမှူးက ဖူးတာအယ်၏ စကားပြော မှုအခြေအနေကိုကြည့်ကာ အပြီးအပိုင်အနားယူခွင့်မပေးဘဲ တနှစ်သာခွင့်ပေး ခဲ့သည်။

2004 ခုနှစ်ညီလာခံမတိုင်မီတွင် အထွေထွေစိတ်ဖိစီးမှုကြောင့် အရွေးချယ်မခံ တော့ချေ။ ရေဒီယိုကိုပင် နားမထောင်နိုင်တော့ဘဲ ကျန်းမာရေးချူချာလာပြီး ရံဖန် ရံခါဆေးရုံတက်ရရာမှ 2006 ခုနှစ် အောက်တိုဘာလ (၆)ရက်နေ့ မြန်မာစံတော် ချိန် နံနက် ၂း၃၅ နာရီ၊ ထိုင်းစံတော်ချိန် နံနက် ၃း၀၅ နာရီတွင် ဘ၀တပါးသို့ ပြောင်းသွားခဲ့သည်။

ဇနီးဆရာမနော်ဒေးဖိုး၊ သမီးဆရာမ နော်အယ်ဝါး၊ သား ဗိုလ်ကြီးဖိုးသာထူး နှင့် မြေး (၃)ဦး ကျန်ရစ်သည်။

မန်းဘဇန်၊ ဗိုလ်ချုပ်ကျော်မြသန်း၊ ဗိုလ်ချုပ်မြမောင်၊ ဗိုလ်မှူးချုပ်ကျင်ဖေ၊ ဆရာ ကြီးစကောလယ်တောနှင့် ဒု- ဗိုလ်ချုပ်တင်ဦးဟူသော (KNUP)၏ ပေါလစ်ဗျူရို (၆)ဦးအနက် ဖူးတာအယ်မှာ နောက်ဆုံးကျန်ရစ်ခဲ့သူဖြစ်လေသည်။

ကိုယ်တိုင်ကရင်အမျိုးသားဖြစ်ပြီး ကရင်အမျိုးသားကို ချစ်သောဖူးတာအယ်မှာ ကရင်စကားကောင်းစွာမတတ်သော်လည်း ကရင့်တော်လှန်ရေးကို အသက်သေ ဆုံးသည့်တိုင် မဆုတ်မနစ် ယုံကြည်စွာလုပ်ဆောင်ရာတွင် ရှေ့ဆောင်ဦးရွက် စံ နမူနာပြ ပုဂ္ဂိုလ်တဦးဖြစ်လေသည်။