အမိကရင္ျပည္

ခ့ၣ်အဲၣ်ယူၣ်ဒီးကီၢ်စဲၣ်ကိတိာ်မၤ၀ဲ ကညီလံာ်လဲၢ်လုၢ်ထူသနူ တၢ်ပျၢ်ကၠိအမူး ၄၂ ၀ီတ၀ီ

 

မဟါတနံၤ တၢ်မၤ၀ဲ ကညီလံာ်လဲၢ်လုၢ်လၢ်ထူနူ တၢ်ပျၢ်ကၠိအမူးဖဲ ကညီကီၢ်စဲၣ် ရးမတံ ကီၢ်ဆၣ် ရွှ့ၣ်ကိကိၣ်သ၀ီပှဲၤထီၣ် ၄၂ ၀ီတ၀ီအံၤ ကညီဒီကလုာ်စၢဖှိၣ်ကရၢ ခ့ၣ်အဲၣ်ယူၣ် ဒီး ကီၢ်ပယီၤပဒိၣ်တကပၤစ့ၢ်ကီးဟဲထီၣ်၀ဲဒၣ်လီၤ.

ခ့ၣ်အဲၣ်ယူၣ်တကပၤ လီၢ်ခၢၣ်သးသ့ၣ်ပှၢ်၀ဲၤကျိၤ ပဒိၣ်စီၤအါတိ“ သုးရ့ၣ် ၁၀၁ သုးခိၣ် စီၤဖီဒိၣ်”ခ့ၣ်အဲန်အဲလ်အ့ၣ် သုးက့နွံ သုးခိၣ်ကျၢၢ်ဖိ ကၠီၣ်နံၣ် ဒီး ဖါအၣ်ကီၢ်ရ့ၣ်ခိၣ် ပဒိၣ် အီၣ်မီၣ်အ့ ဟဲထီၣ်ဃုာ်၀ဲအသိး ကီၢ်စဲၣ်ဘျီၣ်ဒိၣ်ကရၢခိၣ် စီၤအီၣ်ကၠီၣ်မ့ ပၣ်ဃုာ်ဝဲ ကညီကိတိာ် တနီၤဒီးပယီၤတကပၤ သုးြတိၤ နီၣ်ဂံၢ် ၇၇ သုးရ့ၣ် သုးခိၣ်ကျၢၢ်ဖိ စိနဲၣ်အူ“ ရးမတံကီၢ်ရ့ၣ် ပၢဆှၢ၀ဲၤလီၢ် အူမၠ့ၣ်တ့ၣ် တဖၣ် ဟဲထီၣ်ဃုာ်၀ဲလီၤ.

လၢတၢ်ပျၢ်၀ဲ တၢ်စံၣ်လီၤကၠိတဘျီအံၤ လါမ့ၤ ၂၀ သီတုၤ ၂၁ သီအပူၤ ဘၣ်တၢ်ြပၢ၀ဲ လံာ်ဆီရဲၣ်“ တၢ်ကွဲးဖုၣ်“ တၢ်ကွဲးထီရီၤ“ တၢ်ခဲၣ်တၢ်ဂီၤ“ဒီးတၢ်ဂဲၤကလံၣ် ဒိ“ လုၢ်ဖိထါဖိ တၢ်သူၣ်၀ံၣ်သးဆၢတဖၣ်န့ၣ်လီၤ.

တၢ်ရဲၣ်တၢ်ကျဲၤတဘျီအံၤ ပှၤဟဲထီၣ်အနီၣ်ဂံၢ်ခဲလၢာ်ကအိၣ်၀ဲ ၃၀၀၀ ဃၣ်ဃၣ်၀ံၤ လၢတၢ်ပျၢ် ကၠိတဘျီအံၤ ကညီပှိၢ်ကျိာ်“ ကညီစီှၤကျိာ်အလံာ်လဲၢ်ဒီး ပှၤလၢ အမၤန့ၢ်ခိၣ်ဖးတဖၣ် ဒီး ပှၤလၢ အနုာ်လီၤဂဲၤကလံၣ်ြပၢ၀ဲ ဒိအိၣ်၀ဲ ၂၃ ဖုဒီး ဒိ လၢ အန့ၢ်ခိၣ်ဖးတခီမ့ၢ်၀ဲ မုၣ်ကဒံၣ်“ တီဒံ“ ရွှ့ၣ်ကိကိၣ် နီၢ်ဂံၢ် ၁ သ့ၣ်တဖၣ် အံၤဘၣ်တၢ်ဟ့ၣ်လီၤအီၤခိၣ်ဖးလီၤ.

ကညီကီၢ်စဲၣ်ပူၤ ကီၢ်စဲၣ်ကညီလံာ်လဲၢ်ထူသနူ ကလဲၤထီၣ်လဲၤထီအဂီၢ်ဒီးလံာ်လဲၢ်ကဂုၤထီၣ် ပသီထီၣ်အဂီၢ်ဒီးဖဲတၢ်ကိၢ်ခါအကတီၢ်တၢ်ဟ့ၣ်၀ဲတၢ်သိၣ်လိဒ်အံၤ စးထီၣ်လၢ ၁၉၆၇ နံၣ်န့ၣ် ဘၣ်တၢ်စးထီၣ်မၤအီၤသနာ်က့ ဒ်သိးတၢ်ဟးသိၣ်လိ၀ဲလၢ သ၀ီတဖျၢၣ်ဘၣ်တဖျၢၣ်ဒ်အံၤန့ၣ် အိၣ်၀ဲ ၄၂ ဘျီလံန့ၣ်လီၤ.

ကညီကီၢ်စဲၣ်အံၤ တၢ်ပျၢ်ကၠိအမူးဒ်အံၤ တနံၣ်ဘၣ်တၢ်မၤအီၤတဘျီ၀ံၤ နံၣ်လၢကဟဲ တၢ်ပျၢ်ကၠိအမူးအံၤ တၢ်ကမၤအီၤလၢ ၀့ၢ်ဖါအၣ်“ ချၢၣ်နိၣ်သ၀ီ ၀ံၤ ကညီပှိၢ်လံာ်လဲၢ်ထူလံၤ လံာ်ထူလံၤအံၤ ရွှ့ၣ်ကိကိၣ်အလံာ်လဲၢ်“ လုၢ်လၢ်ထူသနူကရူၢ်အံၤ ဟ့ၣ်လီၤက့ၤ၀ဲဒၣ်ဆူ ချၢၣ်နိၣ်သ၀ီလံာ်လဲၢ်ထူသနူအစုပူၤ၀ံၤ တၢ်ပတုာ်ကွံာ်၀ဲတၢ်ရဲၣ်တၢ်ကျဲၤန့ၣ်လီၤ.