အောင်သက်ဝိုင်း| September 20, 2012
အပြည်ပြည်ဆိုင်ရာ
ငြိမ်းချမ်းရေးနေ့အကြို အတွက် မန္တလေးတွင် ပါဖောမန့်ပြကွက် ပြသခဲ့သည့်
ပန်းချီ စူးမြင့်သိန်းကို လုံခြုံရေးများ မေးမြန်းနေစဉ် (ဓာတ်ပုံ – ဒီမို စနေ)
ရန်ကုန်နှင့် နေပြည်တော်တွင် ငြိမ်းချမ်းရေး ကွန်ရက်လူငယ်များက
စက်တင်ဘာလ ၂၁ ရက်နေ့ပန်းချီ စူးမြင့်သိန်းကို လုံခြုံရေးများ မေးမြန်းနေစဉ် (ဓာတ်ပုံ – ဒီမို စနေ)
အပြည်ပြည်ဆိုင်ရာ ငြိမ်းချမ်းရေးနေ့ လမ်းလျှောက် ဆန္ဒထုတ်ဖော်ပွဲ ကျင်းပရန် တရားဝင်လျှောက်တင်
ထားသော်လည်း အာဏာပိုင်များက ယင်းပွဲ မကျင်းပရန် တားမြစ်လိုက်ပြီး ဦးဆောင်မည့် လူငယ်များကို
ခေါ်ယူမေးမြန်းခြင်း၊ နေအိမ်များကို ၀င်ရောက်မေးမြန်း စစ်ဆေး ခြင်းများ ပြုလုပ်နေကြောင်း သိရသည်။
“ငြိမ်းချမ်းရေး လမ်းလျှောက်ပွဲအတွက် စမ်းချောင်း၊ ကျောက်တံတား ရဲစခန်း၊ မင်္ဂလာတောင်ညွန့် ရဲစခန်းတွေကို ကျနော်တို့ တရားဝင် လျှောက်ထားပါတယ်။ ဒါပေမယ့် ခွင့်မပြုဘူးဆိုပြီး တရားဝင် ငြင်းပယ်ပါတယ်။ နောက်ပြီး ရန်ကုန်တိုင်း အနောက်ပိုင်း ခရိုင် ဒုတိယရဲမှူးကြီး မျိုးအောင်က ကျနော်အပါအ၀င် ဆန္ဒပြပွဲ ဦးဆောင်မယ့် လူငယ် ၄ ဦးကို ခေါ်ယူ တွေ့ဆုံမေးမြန်းတာတွေ လုပ်ပါတယ်။ နောက်ပြီး ကျနော်တို့ နေအိမ်တွေကို သတင်းတပ်ဖွဲ့က စောင့်ကြည့် စစ်ဆေးတာမျိုး ရှိနေပါတယ်” ဟု သူက ဆိုသည်။
အာဏာပိုင်များက တားမြစ်သော်လည်း ငြိမ်းချမ်းရေး လမ်းလျှောက်ချီတက်ပွဲကို စက်တင်ဘာလ ၂၁ ရက်နေ့တွင် ရန်ကုန် မြို့တော်ခန်းမဘေးမှ မနက် ၁၁ နာရီတွင် စတင် ထွက်ခွာမည်ဖြစ်ကြောင်း၊ မဟာဗန္ဓုလ လမ်းမကြီးမှ ဗိုလ်တထောင် ဘုရားလမ်း၊ အထက်ပုဇွန်တောင်၊ ယုဇနပလာဇာ၊ တာမွေ ပလာဇာ၊ အုတ်လမ်း၊ ဗားကရာလမ်း၊ မြေနီကုန်း၊ ရန်ကုန် – ပြည်လမ်းများကို ဖြတ်သန်းကာ အင်လျား ကန်ဘောင် တွင် လမ်းလျှောက်ပွဲ အဆုံးသတ်မည် ဖြစ်ကြောင်း၊ စစ်ပွဲများ ချက်ချင်း ရပ်တန့်ပေးရန်၊ ငြိမ်းချမ်းရေး ရရှိရေး အပါအ၀င် ဆိုင်းဘုတ်များ၊ စာတမ်းများ ကိုင်ဆောင်ထားမည် ဖြစ်ပြီး လမ်းလျှောက် ဆန္ဒပြပွဲကို လူငယ် ၃၀၀ နီးပါးဖြင့် စတင်မည်ဖြစ်ကြောင်း၊ ပြည်သူများ ပူးပေါင်းပါဝင်လျှင် အင်အားတိုးပွားနိုင်ကြောင်း ငြိမ်းချမ်းရေး ကွန်ရက်မှ လူငယ်များက ရှင်းပြသည်။
ထို့အပြင် ကချင်ငြိမ်းချမ်းရေး ကွန်ရက်မှ နေပြည်တော်သို့ ကား ၅ စီးဖြင့် ထွက်ခွာမည်ဖြစ်ပြီး ပြည်တွင်းစစ် ရပ်စဲရေး၊ ငြိမ်းချမ်းရေး ရရှိရေးအတွက် နေပြည်တော် ကာကွယ်ရေးဝန်ကြီးဌာနရုံး၊ သမ္မတရုံး စသည်တို့ရှေ့များတွင် ဆန္ဒ ထုတ်ဖော် ကြမည်ဖြစ်ကြောင်း၊ လတ်တလောတွင်မူ တရားဝင် ခွင့်ပြုချက် မရရှိသေးကြောင်း ကချင်ငြိမ်းချမ်းရေး ကွန်ရက်မှ ဦးဆောင်သူ လူငယ်တဦးက ဆိုသည်။
ငြိမ်းချမ်းရေး ဆန္ဒထုတ်ဖော်ပွဲများကို ကျောက်မဲ၊ တောင်ကြီး၊ မော်လမြိုင်၊ မန္တလေး အပါအ၀င် တနိုင်ငံလုံး အတိုင်းအတာဖြင့် ကျင်းပရန် စီစဉ်ထားကြောင်း၊ မန္တလေးတွင်လည်း အာဏာပိုင်များဘက်က ကြိုတင်တားမြစ်မှုများ ရှိနေကြောင်း သိရသည်။
ယနေ့နံနက်ကလည်း ကမ္ဘာ့ ငြိမ်းချမ်းရေးနေ့ အကြိုအဖြစ် မန္တလေးမြို့တွင် ပါဖောမန့်ပြကွက် ပြသခဲ့သော ပန်းချီစူးမြင့်သိန်းကို လုံခြုံရေးများက ခေါ်ယူစစ်ဆေး ခဲ့သေးသည်။
Source: http://burma.irrawaddy.org/archives/20886
No comments:
Post a Comment