ဗွီအိုအေ (မြန်မာပိုင်း)
 |
| တရုတ်ဆန့်ကျင်ရေး ဆန္ဒပြသူတွေ စုရုံးနေစဉ်။ |
အခုသီတင်းပတ်အတွင်း တရုတ်နိုင်ငံသား အများအပြား ကမ္ဘောဒီးယားနိုင်ငံထဲကို ထွက်ပြေး ၀င်ရောက်လာကြတယ်လို့ ဖနွမ်းပင်မြို့မှာရှိတဲ့ ဗီယက်နမ်သံရုံး ပြောခွင့်ရ Trung Van Thong က ဗွီအိုအေ ခမာသတင်းဌာနကို ပြောပါတယ်။
တရုတ်နိုင်ငံသားတွေကို ဗီယက်နမ်နိုင်ငံထဲက မောင်းထုတ်တာမဟုတ်ဘဲ သူတို့သဘောနဲ့ သူတို့ ထွက်လာကြတာသာဖြစ်ကြောင်းနဲ့ တရုတ်လူမျိုးတွေ ဘာကြောင့် ဗီယက်နမ်နိုင်ငံထဲမှာ မနေချင်ကြတော့သလဲဆိုတာ သူမသိတဲ့အကြောင်း Trung Van Thong က ပြောတယ်လို့ ဆိုပါတယ်။
တရုတ်လူမျိုး ဘယ်နှစ်ယောက်လောက် ထွက်ပြေးသွားသလဲဆိုတဲ့ အရေအတွက် အတိအကျကို မသိနိုင်သေးသလို ကမ္ဘောဒီးယားနိုင်ငံကလည်း ဒီကိစ္စနဲ့ပတ်သက်လို့ ပြောဆိုဖို့ ငြင်းဆိုနေပါတယ်။ ဗီယက်နမ်နိုင်ငံ တောင်ပိုင်း မှာရှိတဲ့ တရုတ်နဲ့ ထိုင်ဝမ် စက်ရုံတွေကို အုပ်စုဖွဲ့ ၀င်ရောက် တိုက်ခိုက်ပြီးနောက်ပိုင်း အခုလို တရုတ်လူမျိုးတွေ ထွက်ပြေးလာတာ ဖြစ်ပါတယ်။
ဒီအတောအတွင်း ကမ္ဘောဒီးယားနိုင်ငံအခြေစိုက် ခမာ - ဗီယက်နမ် အသင်းဝင်တွေအနေနဲ့ ဖနွမ်းပင်မြို့မှာရှိတဲ့ တရုတ်သံရုံးအပြင်မှာ အခုသီတင်းပတ်အတွင်း ဆန္ဒပြသွားမယ်လို့ အဖွဲ့ခေါင်းဆောင် Sem Chi က ပြောပါတယ်။
No comments:
Post a Comment